امریکا-دا ایش سیزلرین سایی 36 میلیونا چاتیب

اؤتن هفته امریکا-دا داها 3 میلیون نفر ایشسیزلیک حقوقو آلماق اوچون مراجعت ائدیب.

بو باره‌ده اؤلکه‌نین امک ناظیرلیگی‌نین هفته‌لیک راپوروندا دئییلیر.

سون ایکی آی عرضینده کروناویروس پاندمیسی ایله علاقه‌دار 36 میلیون امریکالی ایشسیزلیک حقوقو اوچون مراجعت ائدیب.

بو گؤستریجی، 1930-جو ایللرین بؤیوک بحرانیندان سونرا قئیده آلینان ان یوکسک گؤستریجی‌دیر.

امریکا-دا بعضی ایالت لر قرنطینه رژیمینی یومشالتماغا باشلاییب کی، بو دا یاخین هفته‌لرده ایش یئرلری‌نین ایتیریلمه‌سی گؤستریجی‌لرینی آزالدا بیلر.

قئید ائدک کی، بو گونه قدر امریکا-دا 1،4 میلیون‌دان چوخ شخص کروناویروسا یولوخوب، 85 مین‌دن چوخ خسته حیاتینی ایتیریب.

اؤلکه‌نین بوتون 50 ایالت ینده قرنطینه رژیمی داوام ائدیر.