دونیا بازاریندا قهوه‌نین قیمتی کسکین باهالاشیر

دونیا بازارلاریندا قهوه‌نین قیمتی سون بیر آیدا 23 فایزدن چوخ باهالاشیب.

بونا ان بؤیوک قهوه صادرات چیلاریندان بیری هندوراس-دا بئش ایل داوام ائدن قوراق‌لیق‌دان سونرا قهوه ییغیمی حجمی‌نین آزالماسی سبب اولوب.

اوکتبرین اورتا‌لاریندا 1 فونت قهوه 0،93 دو‌لارا ساتیلیردی، نوامبر آییندا ایسه قیمت 1،15 دو‌لارا چاتیب. لاکین، بو، اول‌لر قئیده آلینان قیمت‌دن خیلی اوجوزدور. 2011-جی ایلده 1 فونت قهوه‌نین قیمتی تخمینا 3 دو‌لارا قالخمیشدی.

هندوراس-‌داکی اکثر قهوه اکینلری و قهوه انبارلاری اولوسلار آراسی بورسالارینین نظارتینه داخیل ائدیلیب. بورادا محصول دارلیغین و انبارلاردا قهوه مقداری‌نین آزالماسی دیگر اؤلکه‌لره نیسبتا دونیا بازارلارینا داها چوخ تأثیر ائدیر.

نشرین راپورلارینا گؤره، دونیادا هر گون اورتا حسابلا 2 میلیارد فینجان قهوه ایچیلیر. قهوه صادراتی 20 میلیارد یورو دؤوریه مالیک‌دیر. قهوه اوره تیمی‌نین بؤیوک حیسه‌سی اینکیشاف ائتمکده اولان اؤلکه‌لرین پایینا دوشور.