ایران خودرو واندا فابریکا آچاجاق
"تحریملر سببیله ایرانداکی بیر چوخ شیرکت فابریکالارینی فرق‌لی اؤلکه‌لره داشیماغا چالیشیر"
ایرانین اتومبیل شرکتی خودرو کمپانی واندا فابریکا قورما قراری آلدی.
بیر مدت اؤنجه یانینداکی هیاتله وانا گلن اورتا دوغونون ان بؤیوک آراج ایۆرتیچی‌سی اولان شیرکتین اوست سییه یؤنتیجیسی فارشاد مقیمی، والی و بؤیوک‌شهر بلدیه باشقان وکیلی محمد امین بیلمز، صنایع بؤلگه‌سی یؤنتیم قورولو باشقانی محمد آسلان، تیجارت و صنایع اوتاغی باشقانی نجدت تقوا و دوغو آنادولو قالخینما آژانسی باش کاتیبی خلیل ابراهیم و شهرده‌کی ایش دونیاسی نماینده‌لری ایله بیر آرایا گلدی.
داها سونرا، مقیمی واندا اتومبیل فابریکاسی قورما قراری آلدیقلارینی بیلدیردی.
وان صنایع بؤلگه‌سینده تاسیس ائدیله‌جک ۵۰ هکتارلیق ساحه‌یه قورولماسی پلانلانان فابریکا‌دا، ایلک آشاما‌دا تخمیناً مین نفرین استخدام ائدیلمه‌سی نظرده توتولور.
والی و بؤیوک‌شهر بلدیه باشقان وکیلی بیلمز، تحریملرسببیله ایرانداکی بیر چوخ شیرکتین فابریکالارینی فرق‌لی اؤلکه‌لره داشیماغا چالیشدیغینی، وانین دا بو شیرکتلر اوچون ان اویغون یئر اولدوغونو ایضاح ائد‌رک، ایرانداکی بیر چوخ شیرکتین بو قونوداکی گؤروشمه‌لرینین داوام ائتدیگینی سؤیله‌دی.
ایران‌لی شیرکتین واندا بؤیوک بیر یاتیریم یاتیرماسینین دیگر خاریجی یاتیریمچیلارا دا ائتکی ائدجگینی ایفاده ائد‌ن بیلمز، بونلاری قید ائتدی:
"وان، ایرانین باتییا آچیلان پنجره‌سی. وانی سئچیمه‌لرینده‌کی تمل سبب، آنا فابریکالاردان چوخ اوزاقلاشمادان پارچالارین بیر قیسمینی اورادا، بیر قیسمینی بورادا و بیر قیسمینی ده کاناداداکی فابریکالارین‌دا اۆرتیب سون محصولون واندا شکیل آلماسینی تامین ائتمک. اۆرتیلن آراجلار تورک پتنت‌لی اولاجاق".
ایلگیلی‌لی خبرلر
تورکیه-نین روسیایا اتومبیل صنایعسی محصول‌لاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصول‌لاری صادراتی آزالیب.
