آوروپا بیرلیگی سوئیس وئرگی جنّتیندن چیخاردی
آوروپا بیرلیگی، سوئیس و بیرلشیک عرب امیرلیکلرینی وئرگی ساحهسینده ایش بیرلیگی ائتمهین اؤلکهلر لیستهسیندن چیخارما قراری آلدی
آوروپا بیرلیگی، سوئیس و بیرلشیک عرب امیرلیکلرینی وئرگی ساحهسینده ایش بیرلیگی ائتمهین اؤلکهلر لیستهسیندن چیخارما قراری آلدی.
آوروپا بیرلیگی عضوو 28 اؤلکهنین مالیه ناظیرلرینی بیر آرایا گتیرن ایقتیصادی و مالی ایشلر شوراسی (ECOFIN) کونفرانسیندا، وئرگی موضوعسوندا ایش بیرلیگی ائتمهین اؤلکهلرین سیرالاندیغی آوروپا بیرلیگی لیستهلرینین یئنیلنمهسی قراری آلیندیغی آچیقلاندی.
بونا گؤره، بیرلشیک عرب امیرلیکلری و مارشال آدالاری، آوروپا بیرلیگینین وئرگی ساحهسینده ایش بیرلیگی ائتمهین اؤلکهلری ایچهرن قارا لیستهسیندن چیخاریلدی.
وئرگی تنزیملمهلرینی آوروپا بیرلیگی قایدالارینا اویغون حالا گتیرمگی قبول ائدن اؤلکهلری ایچهرن بوز سیاهی ده یئنیلندی.
سوئیس، صربیستان، آلبانیا، کوستا ریکا و ماوریتیوس بوز لیستهدن چیخاریلدی. چوخ سایدا شیرکت و فردین اوف-شور حسابلار ایستیفاده ائدهرک وئرگیدن قاچدیقلارینین اورتایا چیخماسی اوزرینه، 2017-جی ایلده آوروپا بیرلیگی وئرگی جنتلری لیستهسی تعیین ائتمه مدتینی باشلاتمیشدی.
وئرگی قاچیرمایلا موباریزه ائتمگی مقصد قویان لیستهنین حاضیرلیق مرحلهسینده، موختلیف اؤلکهلرین وئرگی سیستملری آراشدیرماغا آلینمیشدی. بیر اؤلکهدکی وئرگی اویقولامالاری بیر باشقا اؤلکهدن وئرگی قاچیریلماسینا ایمکان تامین ائتدیگی تقدیرده آوروپا بیرلیگینین قارا لیستهسینه آلینیر.
سؤز موضوعسو وضعیتی دوزلتمهیه ایستیقامتلی اصلاحاتلار قبول ائدن اؤلکهلر قارا لیستهدن چیخاریلیر. قارا لیسیتهدکی اؤلکهلرین آوروپا بیرلیگی ایله مالیه عملیاتلاری داها گوجلو شکیلده کونترول ائدیلیر.
ایلگیلیلی خبرلر
اوکراینا-دان تورکیه لیمانلارینا داشینان یوکلرین حجمی آچیقلانیب
ژانویه – فوریه آیلاریندا اوکراینادان تورکیه لیمانلارینا داشینان یوکلرین حجمی آچیقلانیب.