اردوغان: مرکز اؤلکه هدفینه داها دا یاخینلاشاجاییق
"بویوک و گوجلو تورکییه یولوندا بیزلره آیاق باغی اولاجاق هر جور پروبلئمین حل اولونماسی اوچون وار گوجوموزله چالیشماغا داوام ائدیریک"
جمهورباشقانی رجب طیب اردوغان، گلن دؤنمده تورکییهنین طبیعی گاز ساحهسینده حیاتا گئچیرهجگی یئنی پروژهلرله بیرلیکده مرکز اؤلکه هدفینه داها دا یاخینلاشاجاغینی بیلدیردی.
اردوغان، دونن آکسارای دوز گؤلو طبیعی گاز ساخلاما گئنیشلتمه پروژهسی تمل قویما مراسیمینه یازیلی بیر مئساژ گؤندردی.
مئساژیندا، تمل قویما مراسیمی گئچیریلهن دوز گؤلو یئرآلتی گاز ساخلاما گئنیشلتمه پروژهسینین میللته خیرلر گتیرمهسینی دیلهیهن اردوغان،
"بویوک و گوجلو تورکییه یولوندا بیزلره آیاق باغی اولاجاق، حرکت قابیلیتیمیزی محدودلاشدیراجاق هر جور پروبلئمین بیر آن اؤنجه حل اولونماسی اوچون وار گوجوموزله چالیشماغا داوام ائدیریک. طبیعی گازدا هر نه قدر محدود بیر رزروه صاحب اولساق دا، بو وضعیت تورکییهنین گوجلو بیر طبیعی گاز آلت یاپیسی قورماسی و گلهجکده صادراتچی اؤلکه اولماسینین قارشیسیندا اصلا انگل دئییل" دگرلندیرمهسینی ائتدی.
اردوغان، سون ایللرده بو چرچیوهده آتدیقلاری مایعلشدیریلمیش طبیعی گاز ساخلاما و یئنیدن گازلاشدیرما ترمینالی (فسرو)، مایعلشدیریلمیش طبیعی گاز (لنگ)، گاز ساخلاما قورغولاری، اولوسلارآراسی بورو کمرلری کیمی ایستراتژیک آددیملارلا بیرلیکده تورکییهنین طبیعی گاز عرضه گوونلیگینی بؤیوک اؤلچوده ضمانت آلتینا آلدیغینا ایشاره ائتدی.
اردوغان،
"تورکییه بو حملهلرله بیرلیکده سیاسی، اقتصادی، ژئوسیاسی، حااکم شرایط ایله باغلی گلیشمهلردن مستقیل بیر قورولوشدا اولمایان چالخانتیلی قلوبال انرژی بازارلارینداکی ساغلام یئرینی داها دا ساغلاملاشدیرمیشدیر. قارشیداکی دؤنم طبیعی گاز ساحهسینده حیاتا گئچیره جگیمیز یئنی پروژهلرله یاناشی، مرکز اؤلکه مقصدیمیزه داها دا یاخینلاشاجاییق. تورکییه قلوبال انرژی پروژهلرینی حیاتا گئچیرمک اوچون تکجه ژئوسییاسی مؤوقعیتی ایله دئییل، عینی زاماندا بیلگی تجروبهسی، سیاسی ثابتلیک و گوجلو اقتصادی ایله ده بؤلگهنین هر زامان ان گوجلو و گوونلی طرفی اولاجاقدیر" ایفادهلرینی ایشلتدی.
ایلگیلیلی خبرلر
تورکیه-نین روسیایا اتومبیل صنایعسی محصوللاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصوللاری صادراتی آزالیب.