تورکییه ایله اؤزبکیستانین تیجارت حجمی آرتدی
تورکییه، ایلین ایلک ۶ آییندا اؤزبکیستانین ۵.جی بؤیوک تیجارت اورتاغی اولدو
تورکییه ایله اؤزبکیستان آراسین‌دا تیجارت حجمی، ۲۰۱۹.جو ایلین ایلین ۶ آییندا یوزده ۲۶،۸ آرتاراق ۱ میلیارد ۱۸۸،۱ میلیون دلارا چاتدی.
اؤزبکیستان دؤولت استاتیستیک کمیته‌سین‌دن وئریله‌ن معلوماتا گؤره، تورکییه ایله اؤزبکیستان آراسین‌دا تیجارت حجمی ایلین ایلک یاری‌سین‌دا یوزده ۲۶،۸ آرتیشلا ۱ میلیارد ۱۸۸،۱ میلیون دلارا یوکسلرکن تورکییه بو دؤورده اؤزبکیستانین ان بؤیوک تیجارت اورتاقلاری سیرالاماسین‌داکی یئرینی قورودو.
آچیقلامایا گؤره، تورکییه، ایلین ایلک ۶ آییندا چین، روسیا، قازاقیستان و گونئی کره‌نین آردین‌دان اؤزبکیستانین ۵.جی بؤیوک تیجارت اورتاغی اولدو.
بو دؤورده اؤزبکیستانین تورکییه‌یه ائتدیگی صادرات ۵۷۲،۲ میلیون دلارا چاتارکن، تورکییه‌دن وارداتی دا ۶۱۵،۹ میلیون دلار اولدو. ایلین ایلک یاری‌سین‌دا اؤزبکیستانین تورکییه ایله خاریجی تیجارتین‌ده‌کی کسری ایسه ۴۳،۷ میلیون دلار اولاراق ثبت ائدیلدی.
ژانویه-ژوئن آیلاریندا ۳ میلیارد ۸۹۵،۵ میلیون دلارلیق خاریجی تیجارت ایله چین، اؤزبکیستانین ان بؤیوک تیجارت اورتاغی اولارکن، ۲ میلیارد ۹۸۴،۶ میلیون دلارلیق خاریجی تیجارت ایله روسیا ایکینجی، ۱ میلیارد ۶۸۲،۸ میلیون دلارلیق خاریجی تیجارت ایله قازاقیستان اوچونجو، ۱ میلیارد ۳۴۶،۱ میلیون دلارلیق خاریجی تیجارت ایله گونئی کره ایسه دؤردونجو سیرادا یئر آلدی.
تورکییه ایله اؤزبکیستان آراسین‌دا تیجارت حجمی اؤتن ایل یوزده ۳۹،۹ آرتاراق ۲ میلیارد ۱۷۱،۸ میلیون دلارا چاتمیشدی.
ایلگیلی‌لی خبرلر
تورکیه-نین روسیایا اتومبیل صنایعسی محصول‌لاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصول‌لاری صادراتی آزالیب.
