پوتین‌دن تورکیه‌ ایله باغلی آچیقلامالار

"گئچه‌ن ایل ۶ میلیون روس توریست تورکییه‌یه گئتمیش‌دیر"

1227245
پوتین‌دن تورکیه‌ ایله باغلی آچیقلامالار

روسیا پرزیدنتی پوتین، اؤتن ایل تورکییه و روسیانین ایکی‌لی تیجارت حجمینین یوزده ۱۵ آرتدیغینی دئدی.

پوتین، ژاپنداکی گ۲۰ لیدئرلر ذیروه‌سی چرچیوه‌سین‌ده پرزیدنت رجب طیب اردوغان ایله گؤروشمه‌سی اؤنجه‌سی وئردیگی آچیقلامادا، ایکی اؤلکه آراسین‌دا قارشی‌لیق‌لی بؤیوک میقیاس‌لی انرژی پروژه‌لرینین داوام ائتدیینی دئدی.

پوتین، ۲۰۱۸ده ایکی اؤلکه آراسین‌دا ایکی‌لی تیجارت حجمینین یوزده ۱۵ آرتدیغینی بیلدیره‌رک، هر ایکی طرف‌دن ده تخمیناً ۱۰ میلیارد دلار جدی میقداردا قارشی‌لیق‌لی یاتیریملار سؤز قونوسودور. بوندان باشقا ۹۰۰ میلیون یورولوق بیر اورتاق یاتیریم اوزرین‌ده ایشلر داوام ائدیر" دئیه دانیشدی.

روسیا ایله تورکییه آراسین‌داکی قارشی‌لیق‌لی توریزمین جدی شکیل‌ده آرتدیغینا ایشاره ائد‌ن پوتین،

"گئچه‌ن ایل ۶ میلیون روس توریست تورکییه‌یه گئتمیش‌دیر. بو دا رکورد بیر سویه. بیزیم توریستلر تورکییه‌ده اولدوقجا چوخ پول خرجله‌ییر. تورک طرفینین بوندان گلیری توپلاندا تخمیناً ۵ میلیارد دلار اولموش‌دور. قارشی‌لیق‌لی روس-تورک مدنیت و توریزم ایلی داوام ائدیر. بو ایلین یئنی اوغورلارا وسیله اولماسینی دیله‌ییریک. بیر داها سیزی (پرزیدنت اردوغانی) گؤردوگومه چوخ موتلو اولدوغومو بیلدیرمک ایسته‌ییرم" ایفاده‌سینی قولاندی.



ایلگیلی‌لی خبرلر