بودرومدا توریست آرتیشی گؤزلنیر

"بودرومون تاریخی و توریستیک دگرلرینین یانی سیرا بؤلگه‌یه اؤزل گاسترونومی‌سی، دنیزی، گونشی و ائشسیز کؤرفزلری وار"

بودرومدا توریست آرتیشی گؤزلنیر

تورکییه سیاحت آژانسلاری بیرلیگی (تورساب) باشقانی فیروز باغلی‌کایا، موغلانین بودروم ائلچه‌سینین دونیادا تانینان توریزم مرکزلریندن بیری اولدوغونو بیلدیررک، خارجی قوناق ساییسین‌دا آرتیش گؤزلدیکلرینی بیلدیردی.

باغلی‌کایا، ۲۰۱۹ون ایلک اوچ آیلیق دؤنمینده اؤنجه‌کی ایللره گؤره جدی بیر آرتیش یاخالادیقلارینی سؤیله‌دی.

بو ایل آوروپا بازارینین گئری دؤنمه‌سیله بیرلیکده هدفلنن رقمی یاخالایاجاقلارینی وورغولایان باغلی‌کایا، گلیرده ده عینی شکیلده آرتیش گؤزلدیکلرینی بیلدیردی.

هیند تویلارینا توخونان باغلی‌کایا،

"هیند تویلاری، بیزیم دیزی فیلملریمیزدن ائتکیلنن بیر بازار. ایستانبول و آنتالیا'ین آردین‌دان بودروم‌دا دا بو جور طلبلر آلینمایا باشلاندی" دئیه دانیشدی.

اینسانلارین تعطیله چیخارکن آرتیق تک بیر اۆرون اۆچون سیاحت ائتمه‌دیگینی، فرقلی آختاریشلار ایچریسینده اولدوقلارینی بیلدیرن باغلی‌کایا، بودروم قالا‌سی‌نین دا بو آنلام‌دا چوخ اؤنم‌لی بیر یئرینین اولدوغونو بیلدیردی.

قالانین یئنی‌دن آچیلماسینین سون درجه اولوملو قاتقیلار ساغلایاجاغینی آنلادان باغلی‌کایا، بودرومون تاریخی و توریستیک دگرلرینین یانی سیرا بؤلگه‌یه اؤزل گاسترونومی‌سی، دنیزی، گونشی و ائشسیز کؤرفزلرینین اولدوغونو قید ائتدی.



ایلگیلی‌لی خبرلر