دونالد ترامپین شی جین پینگ ایله ژاپونیا گوروشه بیلر

امریکا پرزیدنتی دونالد ترامپ ایله چین-ین دؤولت باشچی‌سی شی جین پینگ‌ین گله‌جک هفته ژاپونیادا کئچیریله‌جک G20 اؤلکه‌لری‌نین ذیروه ییغینجاغیندا گؤروش کئچیره بیله جگی بیلدیریلیب.

دونالد ترامپین شی جین پینگ ایله ژاپونیا گوروشه بیلر

امریکا پرزیدنتی دونالد ترامپ ایله چین-ین دؤولت باشچی‌سی شی جین پینگ‌ین گله‌جک هفته ژاپونیادا کئچیریله‌جک G20 اؤلکه‌لری‌نین ذیروه ییغینجاغیندا گؤروش کئچیره بیله جگی بیلدیریلیب.

ترامپین ایقتیصادیات دانیشمانی لاری کودلوو ژوئن آیی‌نین آخیریندا ژاپونیادا کئچیریله‌جک G20 ذیروه توپلانتی‌سیندا ترامپ ایله شی جین پینگ‌ین گؤروش کئچیرمه‌سی‌نین گؤزلنیلدیگینی سؤیله‌ییب.

امریکا فوکس نیوز-دا یاییم‌لانان پروقرامدا ایشتیراک ائدن کودلوو امریکا ایله چین آراسیندا داوام ائدن تیجارت سازیشینه دایر موذاکیره‌لری قیمتلندیره‌رک دئییب کی، ایکی اؤلکه آراسیندا صلاحیت‌لی‌لر آراسیندا گؤروش ترافیکی داوام ائدیر. ژاپونیا‌داکی ذیروه توپلانتی‌سی زامانی ایکی لیدرین بیر آرایا گلمه‌سی پلانلاشدیریلیر.

قئید ائدک کی، ترامپ ایله شی جین پینگ‌ین گؤروشمه سی گوزله نن G20 ذیروه توپلانتی‌سی ژاپونیانین اوساکا شهرینده 28-28 ژوئن تاریخ‌لرینده باش توتا‌جاق.

امریکا ایله چین آراسیندا داوام ائدن تیجارت موذاکیره‌لرینده سون اولا‌راق جمعه  گؤره آغ ائوده گؤروش‌لر کئچیریلمیش، آنجاق طرف‌لر بیر نتیجه الده ائده بیلمه‌میشدی‌لر.

بو باره‌ده آغ ائو رهبری اؤزونون تویتر صحیفه‌سینده یازمیشدی کی، امریکا چینه ایقتیصادی موناسیبتده بو اؤلکه‌نین محصول‌لارینا قویولموش وئرگی لری آرتیرا‌راق پکن له اولماق ایسته‌دیگی وضعیتده‌دیر.

"بیز چینله اولماق ایستدیگیمیز یئردییک. خاطیرلایین، اونلار بیزیمله راضیلاشمانی پوزدولار و شرط‌لری تکرار گؤزدن کئچیرمه‌یه چالیشدی‌لار. بیز چین‌دن اون میلیاردلارلا دو‌لار وئرگی لری گؤتورجییک. محصول‌لارین صادراتچیلاری اؤزلری مال‌لاری امریکا-دا اوره تن و یا اونو اؤلکه‌لردن وارد ائده بیلرلر، هانسی‌لار کی، وئرگی لری قویولمور"، - دئیه پرزیدنت یازیب.



ایلگیلی‌لی خبرلر