جمهور باشقانی اردوغان‌دان ایقتیصادیاتدا ثابت لیک وورغوسو

جمهور باشقانی رجب طیب اردوغان 17-جی ایلدکی ثابت‌لیک و اعتیماد اقلیمینده الده ائتدیک‌لری نایلیت‌لرین گله‌جک دؤورده داها بؤیوک اوغورلارا ایمضا آتا بیله‌جک‌لری‌نین گؤستریجی‌سی اولدوغونو سؤیله‌ییب.

جمهور باشقانی اردوغان‌دان ایقتیصادیاتدا ثابت لیک وورغوسو

جمهور باشقانی رجب طیب اردوغان 17-جی ایلدکی ثابت‌لیک و اعتیماد اقلیمینده الده ائتدیک‌لری نایلیت‌لرین گله‌جک دؤورده داها بؤیوک اوغورلارا ایمضا آتا بیله‌جک‌لری‌نین گؤستریجی‌سی اولدوغونو سؤیله‌ییب.

جمهور باشقانی اردوغان بونو تورکیه‌نین اتاق لار و بورسالار بیرلیگی‌نین 75-جی عمومی ایجلاسیندا ائتدیگی چیخیشدا دئییب.

چیخیشیندا ارز واسیطه‌سیله تورکیه-‌نین ایقتیصادیاتی اوزرینده اویون‌لار اوینانا‌راق منفی آتموسفر یاراتماغا جهد گؤستریلدیگینی وورغولایان اردوغان دئییب کی، سون دؤورده دالبادال اؤلکه‌میزه و میللتیمیزه قورولان تله‌لرین سببی اؤلکه‌میزه سیاسی اولدوغو قدر ایقتیصادیات ساحه‌سینده ده دیز چؤک‌دورمک‌دیر. 2،5 میلیونلوق استخدام اوچون "بورا تورکیه، بورادا ایش وار" شعار ایله آددیم آتدیق. ایلکین معلومات‌لار بو ایلین ایلک روبونده استخدام دا 100 مین نفرلیک آرتیما ایشاره ائدیر. بو، یئنی‌دن یوکسلیشه اوز توتدوغوموزون گؤستریجی‌سی اولماسی باخیمیندان اهمیت‌لی بیر رقم‌دیر.

جمهور باشقانی اردوغان: "حکومت و ایش دونیاسی اولا‌راق 17 ایلده یازدیغیمیز بؤیوک نایلیتی و بو اوغورلو حکاینی داوام ائتدیرمک هامیمیزین الینده دیر" دئییب.

بوتون گؤستریجی‌لرین یئنی‌دن یوکسلمه‌یه باشلادیغینا ایشاره ائدن اردوغان ارز، فایز و تورمی  مطلق هدف‌لریمیزه اویغون سویه‌لره ائندیرمکده قطعی قرارلیییق. بون‌دان سونرا آرتیق ائله جدی دالغالانما‌لارین اورتایا چیخماسی غیری-مومکون گؤرونور"-دئیه پرزیدنت اردوغان وورغولاییب.



ایلگیلی‌لی خبرلر