اردوغان: تورکیه گوجلنه‌رک یولونا داوام ائد‌جک

"ای فایننشیال تایمز، ۴ میلیون کؤچکونه ائو صاحب‌لیگی ائد‌ن تورکیه‌نی سن تانیدین می؟"

اردوغان: تورکیه گوجلنه‌رک یولونا داوام ائد‌جک

جمهورباشقانی رجب طیب اردوغان، خاریج‌ده تورک اکونومی‌سی ایله باغلی یازلان باشلیقلارا تپکی گؤستردی.

اردوغان باشکند آنکارادا دانیشدی.

پرزیدنتین بوراداکی دانیشماسینین گوندمینده اکونومیه قارشی سالدیریلار واردی.

باتی دونیاسینین بوتون مئدیا اورگانلاری ایله تورک اقتصادینی سانکی چؤکموش کیمی گؤستردیگینی قید ائد‌ن اردوغان،

"نه ائتسه‌نیز ائدین، تورکیه گوجلنه‌رک یولونا داوام ائد‌جک" دئدی.

آمریکا فایننشیال تایمز قزئتینین ارز رزرولری ایله ایلگیلی حقیقت‌دن اوزاق خبرینی ده تنقید ائد‌ن اردوغان،

"بیز ترورلا مباریزه و سیغینماچیلار مسئله‌سین‌ده ایکی‌لی ایستانداردا دقت چکدیکجه قارشیمیزداکی خبرلرین ساییسی داها دا آرتیر. ای فایننشیال تایمز، ۴ میلیون کؤچکونه ائو صاحب‌لیگی ائد‌ن تورکیه‌نی سن تانیدین می؟ سنین اؤلکه‌ن‌ده حاضردا نه قدر قاچقین وار؟ گل بیر ده اونو خبر ائت باخالیم. بیزی بیر نئچه حاشیه‌ده اولانین افتراسی یوخ، هئچ بیر آراشدیرما آپاریلمادان، ادعالار تصدیق ائدیلمه‌دن، ایشین اصل مخاطبلرینه سوروشولمادان تورکیه علیه‌ینه هر جور خبر، هر جور تبلیغاتا یول وئریلمه‌سی راحاتسیز ائدیر" دئیه دانیشدی.

اردوغان، تورکیه‌نین بقاسینین، وطنداشلارین بیرلیک و برابرلیگینین هر جور سیاسی حسابین اوستونده اولدوغونو بیلدیردی.



ایلگیلی‌لی خبرلر