پوتینین گلیری آچیقلاندی

کرملین طرفین‌دن دؤولتین اوست سویه‌لرین‌ده‌کی شخصلره دایر مال وارلیغی بیلگیلری یاییملاندی

پوتینین گلیری آچیقلاندی

روسیا پرزیدنتی ولادیمیر پوتینین ۲۰۱۸.جی ایلده الده ائتدیگی گلیرلر آچیقلاندی.

کرملین طرفین‌دن دؤولتین اوست سویه‌لرین‌ده‌کی شخصلره دایر یاییملانان مال وارلیغی معلوماتلارینا گؤره، ۲۰۱۷ده ۱۸ میلیون ۷۲۸ مین روبل قازانان پوتینین گلیری، اؤتن ایل ۸ میلیون ۶۴۸ مین روبلا (تخمیناً ۷۷۴ مین تورک لیراسی) دوشدو.

روسیا باش باخانی دمیتری مدودئوین ده اؤتن ایل ۹ میلیون ۹۱۷ مین روبل (تخمیناً ۸۸۷ مین تورک لیراسی) گلیر الده ائتدیگی قید ائدیلدی.

آچیقلامایا گؤره، پوتینین اؤزونه عاید روسیادا ۲ ائوی، ۲ اتومبیل گاراژی و ۳ اتومبیلی؛ مدودئوین ده ۳۶۷،۸ مربع مترلیک بیر آپارتمان و ۲ ماشینی وار.

روسیا صنایع و تیجارت باخانی دنیس مانتورووون ۴۴۳ میلیون ۳۸۴ مین روبللوق (تخمیناً ۴۰ میلیون تورک لیراسی) قازانجی اؤلکه‌ده گئچه‌ن ایل ان چوخ گلیر الده ائد‌ن باخان اولارکن، ۲.جی سیرادا ۱۸۳ میلیون ۷۷۸ مین روبللوق (تخمیناً ۱۶ میلیون تورک لیراسی) قازانجی ایله روسیا تاریم باخانی دمیتری پاتروشئو یئر آلدی.

روسیا ساوونما باخانی سرگئی شویگو اؤتن ایل ۱۱ میلیون ۵۳۲ مین روبل (تخمیناً ۱ میلیون تورک لیراسی) قازانارکن، روسیا خاریجی ایشلر باخانی سرگئی لاوروو ایسه ۷ میلیون ۳۴۰ مین روبل (تخمیناً ۶۵۶ مین تورک لیراسی) گلیر الده ائتدی.



ایلگیلی‌لی خبرلر