پیتر استلین: "تورکیه ایقتیصادیاتی آوروپا اؤلکه‌لرین‌دن داها سرعتله ایرلیلییر"

لندن-ین فینانس مرکزی‌نین صدری پیتر استلین تورکیه ایقتیصادیاتی‌نین حاضردا دونیادا 13-جی بؤیوک ایقتیصادیات اولدوغونو بیلدیردی.

لندن مالیه مرکزی‌نین صدری پیتر استلین تورک صنایع چیلری و ایش آدام‌لاری درنگی‌نین (توسیاد) ایستانبولدا تشکیل ائتدیگی "برگزیت-دن سونرا مالیه و خیدمت سئکتورلاریندا تورکییه - بیرلشمیش کرال‌لیق امکداش‌لیغینی گوجلندیرمک" پانئلینده چیخیش ائتدی.

استلین چیخیشیندا 2017-جی ایلده اینگیلتره‌نین تورکیه‌نین 2-جی صادرات بازاری اولدوغونو بیلدیردی.

تورکیه-‌نین اینگیلتره‌نین ان مهم تیجارت طرفداشی اولدوغونو وورغولایان استلین: "تورکیه و بیرلشمیش کرال‌لیق آراسیندا یاخشی موناسیبت‌لر موجوددور. کئچمیشی اولان بو موناسیبت‌لری داها دا اینکیشاف ائتدیرملیگیک" دئدی.

استلین تورکیه-‌نین جوغرافی موضعی‌نین چوخ یاخشی اولدوغونو ایفاده ائده‌رک: "تورکیه بیزی گونشی ایله جلب ائدیر. بؤیوک بریتانیا‌دان تورکیه-‌یه بیر چوخ توریست گلیر. بو اؤلکه‌نین توریست‌لره خیدمتی چوخ یوکسک سویه‌ده‌دیر. هدفیمیز تورکیه و بیرلشمیش کرال‌لیق آراسینداکی تیجارت دؤوریه‌سی‌نین 20 میلیارد دو‌لاردان چوخ اولماسی‌دیر. تورکیه ایقتیصادیاتی بؤیوگوب. حاضردا تورکیه ایقتیصادیاتی دونیانین 13-جی بؤیوک ایقتیصادیاتی‌دیر. تورکیه ایقتیصادیاتی آوروپا اؤلکه‌لرین‌دن داها سرعت‌لی ایرلیلییر" دئدی.