آوروپا پارلامئنتی امریکا ایله تیجارت موقاویله‌سینه یاشیل ایشیق یاندیردی

کومیته عضو‌لری تیجارت موقاویله‌سی موذاکیره‌لری‌نین باشلادیلماسی ایله علاقه‌دار قانون لاییحه‌سینی 21 لئهینه،17 علیهینه سسله تصدیق ائتدی‌لر.

آوروپا پارلامئنتی امریکا ایله تیجارت موقاویله‌سینه یاشیل ایشیق یاندیردی

آوروپا پارلامئنتی‌نین تیجارت کومیته‌سی آوروپا بیرلیگی و امریکا آراسیندا صنایع محصول‌لاریندا گؤمروک وئرگی‌لری‌نین لغو ائدیلمه‌سینه دایر تیجارت موقاویله‌سی موذاکیره‌لری‌نین باشلادیلماسی ایستیقامتیندکی قانون لاییحه‌سینی تصدیق ائتدی.

بلژیک-ین پایتاختی بروکسل-ده توپلانتی کئچیرن آوروپا پارلامئنتی تیجارت کومیته‌سی امریکا ایله آوروپا بیرلیگی آراسیندا صنایع محصول‌لاریندا گؤمروک وئرگی‌لرینی لغو ائتمکله باغلی تیجارت موذاکیره‌لری آپارماق اوچون آوروپا بیرلیگی کمیسیونونون صلاحیت طلبی مسئله‌سینی موذاکیره ائتدی.

کومیته عضو‌لری تیجارت موقاویله‌سی موذاکیره‌لری‌نین باشلادیلماسی ایله علاقه‌دار قانون لاییحه‌سینی 21 لئهینه،17 علیهینه سسله تصدیق ائتدی‌لر.

قانون لاییحه‌سینده تیجارت موقاویله‌سی‌نین باشا چاتدیریلماسی اوچون امریکانین ایدخال آلومینیوم و پولادا اولان گؤمروک وئرگی‌لرینی لغو ائتمه‌سی، اتومبیل لره تطبیق اولونا‌جاق وئرگی‌لرین ده موذاکیره ائدیلمه‌سی، تاریم محصول‌لاری‌نین موذاکیره اولونماماسی و امریکا طرفین‌دن یئنی بیر گؤمروک وئرگی‌سی‌نین تطبیقی حالیندا موذاکیره‌لرین باشا چاتدیریلماسی کیمی شرط‌لر واردیر.

سؤزوگئدن قانون لاییحه‌سی‌نین مارس آییندا آوروپا شوراسی پارلامئنتی عمومی ایجلاسیندا سسه قویولماسی نظرده توتولور.

لاییحه‌نین حقوقی قوه‌سی یوخ‌دور، لاکین آوروپا بیرلیگی و امریکا آراسیندا تیجارت موقاویله سی موذاکیره‌لرینده راضی‌لیق الده اولوندوق‌دان سونرا بو موقاویله‌یه آوروپا پارلامئنتی سس وئرمه‌لی‌دیر.

قئید ائتمک لازیم‌دیر کی، آوروپا بیرلیگی کمیسیونو ژانویه آییندا امریکا ایله صنایع محصول‌لارینا قویولان وئرگی‌لری لغو ائتمکله باغلی تیجاری موذاکیره‌لرین آپاریلماسی اوچون آوروپا شوراسیندان صلاحیت طلب ائدیب.

آوروپا کمیسیونو آوروپا بیرلیگی‌نین 28 عضو اؤلکه‌سی‌نین آدین‌دان تیجارت موقاویله‌سی باغلاماق صلاحیتی واردیر. آوروپا بیرلیگی کمیسیونو رسمی موذاکیره‌لر آپارماق اوچون بیرلیگ اؤلکه‌لری‌نین راضی‌لیق آلما‌لی‌دیر.



ایلگیلی‌لی خبرلر