دونیا ملک یاتیریم فورومو باشلادی

کئچمیش تورکیه باش ناظیر معاوینی محمت شیمشک، هله ده هئچ بیر بانک ایرتیباطی اولمایان1.7 میلیارد اینسانین چوغون‌لوغونو قادین‌لارین تشکیل ائتدیگینی سؤیله‌دی

دونیا ملک یاتیریم فورومو باشلادی

کئچمیش تورکیه باش ناظیر معاوینی محمت شیمشک، هله ده هئچ بیر بانک ایرتیباطی اولمایان1.7 میلیارد اینسانین چوغون‌لوغونو قادین‌لارین تشکیل ائتدیگینی سؤیله‌دی.

دونیانین ان بؤیوک ایلکین مرحله سرمایه و یاتیریم بازارلاری توپلولوغو دونیا ملک یاتیریم فوروموندا (World Business Angels Investment Forum – WBAF)  ناظیرلر ماساسی پانئلی‌نین مودراتؤرلوغونو کئچمیش باش ناظیر معاوینی محمت شیمشک ائدیب.

جی-20 گوندلیگین‌دکی فینانسالباغلانتینی آرتیرماق" باشلیغی تشکیل اولونان پانلده بیر قیمتلندیرمه چیخیشی دا ائدن شیمشک، ملک یاتیریمجیلیک-ین آرتیق دونیا ایقتیصادینا اؤنملی رولونون اولدوغونو بیلدیریب.

Global Findex-ین 2017ده یایدیغی راپورا گؤره، باش وئرن بیر چوخ تکنولوژیک اینکیشافا باخمایا‌راق دونیادا هله ده فینانس باغلانتی قورامامیش بؤیوک بیر کوتله‌نین اولدوغونا دقتی چکن شیمشک، "دونیادا 1.7 میلیارد اینسان هله ده بانکا چاتمامیش وضعیتده. بانک ایله ایرتیباطی اولمایان اینسان‌لارین اکثریتینی ایسه قادین‌لار تشکیل ائدیر. بو چوخ جیدی بیر وضعیت." دئدی.

ایلکین مرحله سرمایه و یاتیریم بازارلاری توپلولوغو دونیا ملک یاتیریم فورومو باشقانی بایبارس آلتونتاش ایسه تورکیه‌نین ایستارت آپ (یئنی تشببوس) ایقتیصادی اوچون 8 ایل اوّل آوروپانین 32-جی اؤلکه‌سی اولدوغونو خاطیرلادا‌راق،

" تورکیه، کئچن ایل 500 میلیون آورو آشان یاتیریملا آوروپانین 5-جی بؤیوک ملک یاتیریم بازاری حالینا گلدی. بو سرعت‌لی اینکیشافین سببی، تورکیه‌نین بیرلشمیش کرال‌لیق‌دان سونرا بو مسئله‌ده قانونا مالیک اولان یگانه اؤلکه اولماسی‌دیر." شکلینده دانیشدی.

آوروپا ملک سرمایه‌دارلار بیرلیگی‌نین صدری (EBAN) پیتر کوولی ده ساحیبکارلارا دستک مسئله‌سینده اینگیلتره‌ده ساغلام بیر سیستمین تاسیس ائدیلدیگینی سؤیله‌دی.

پانلده، غنا ایش گلیشدیرمه ناظیری ایبراهیم محمد اوال، کوسووو اینوواسیون و ساحیبکارلیق ناظیری بسیم بقاژ، ماکدونیا رگولاسیون-لاردان سوروملو ناظیری زوران ساپوریج، دونیا بانکی SME مالی فورومو اوست رهبری (CEO) ماتیو گمسر، بیرلشمیش میللت‌لر تشکیلاتی‌نین صنایع اینکیشاف ائتدیرمک (UNIDO) باشقانی هشیم حسین و اورتا شرق ملک یاتیریمجیلیک اوچون تیجارت بیرلیگی (MBAN) باشقانی عبدالملیک آل جابیر فینانسا چاتما و ملک یاتیریمجیلیک مسئله‌سینده قیمتلن‌دیریردی.



ایلگیلی‌لی خبرلر