ایرانین نفت صادراتی دوشور
تحریملر سونراسی ساتیشلاری ۱ میلیون بوشقانین آلتینا قدر گئریلهدی
ایرانین دیش گلیرلرینین اؤنملی بیر بؤلومونو تشکیل ائدن نفت صادراتی دوشور.
ایرانلا نوکلئر آنلاشمادان تک طرفلی اولاراق آیریلدیغینی آچیقلایان آمریکا بیرلشمیش دؤولتلرینین ایرانین دنیز داشیماچیلیغی، مالیه و انرژی ساحهلرینی هدف آلان ایکینجی دالغا تحریملری، نوامبر ۲۰۱۸.جی ایلده تطبیق اولونماغا باشلاندی.
بو تاریخدن اعتباراً ایران میللی نفت شیرکتی، ایران نفت تیجارت شیرکتی و میلی تانکر شیرکتینه اولوسلارآراسی محدودیتلر گتیریلرکهن، اقتصادی بؤیوک اؤلچوده نفته دایانان ایرانین نفت و محصوللارینین صادراتینا تحریملر تطبیق اولوندو.
تحریملر اؤنجهسی تخمیناً گوندهلیک ۲،۴ میلیون بوشقا نفت صادراتی ائدن ایرانین، تحریملر سونراسی ساتیشلاری ۱ میلیون بوشقانین آلتینا قدر گئریلهدی.
اؤلکهنین خام نفت صادراتی ۲۰۱۸.جی ایلده ایلک آیلاریندا گوندهلیک ۲،۴ میلیون بوشقا سویهسینده گرچکلشرکن بو نیسبت ایل سونوندا یاری سویهیه ائندی.
ایران، دؤولت گلیرلرینین یوزده ۷۰ه یاخینینی نفت صادراتیندان تامین ائدیر.
اؤلکهده نفت گلیرلری ۲۰۱۷ده ۵۰-۵۵ میلیارد دلار سویهسیندن، ۲۰۱۸.جی ایلده ۳۰-۳۵ میلیارد دلار سویهسینه ائندی.
نفت گلیرلرینین ۲۰۱۹دا ایسه ۲۰ میلیارد دلار سویهلرینه ائنهجگی تخمین ائدیلیر.
ایلگیلیلی خبرلر
اوکراینا-دان تورکیه لیمانلارینا داشینان یوکلرین حجمی آچیقلانیب
ژانویه – فوریه آیلاریندا اوکراینادان تورکیه لیمانلارینا داشینان یوکلرین حجمی آچیقلانیب.