جروم پاول:" امریکا ایقتیصادیاتی یاخشی وضعیتده دیر"

امریکا مرکزی بانکی‌نین صدری جروم پاول امریکا ایقتیصادیاتی‌نین قلوبال اینکیشافین یاواشیماسینا باخمایا‌راق یاخشی وضعیتده اولدوغونو بیلدیردی.

1089091
جروم پاول:" امریکا ایقتیصادیاتی یاخشی وضعیتده دیر"

امریکا مرکزی بانکی‌نین صدری جروم پاول امریکا ایقتیصادیاتی‌نین قلوبال اینکیشافین یاواشیماسینا باخمایا‌راق یاخشی وضعیتده اولدوغونو بیلدیردی.

پاول دالاس شهرینده کئچیریلن "قلوبال پرسپکتیو‌لر" موضوع لو ایجلاسدا اؤلکه ایقتیصادیاتی و پول سیاستینه دایر سوال‌لارا جاواب وئردی.

امریکا ایقتیصادیاتی‌نین موجود وضعیتیندن ممنون‌لوغونو دیله گتیرن پاول بؤیومه‌نین گوج‌لو و تورم‌ون آشاغی اولدوغونا ایشاره ائده‌رک دئییب کی، "فئد"ِین مقصدی ایش سیزلیک و تورمی مومکون اولدوغو قدر آشاغیدا ساخلاماق‌دیر. مرکزی بانک پول سیاستینی بو مقصده اویغون شکیلده نیظاملاماغا داوام ائده‌جک. گله‌جک ایل بوتون سیاست ییغینجاقلاریندان‌ سونرا مطبوعات کنفرانسی کئچیریله‌جک.

بازارلارین بو دییشیک‌لیکله "فئد"ین هر ییغینجاغیندا فایز آرتیرما احتیمالی اولماسینا زامان ارزینده اؤیرشه‌جک‌لرینی قئید ائدن پاول "گله‌جک ایلکی بوتون ییغینجاق‌لار فایز آرتیرما احتیمالی باخیمیندان جانلی اولا‌جاق" دئیه بیلدیریب.

"بیزیم وظیفه‌میز امریکادا ثابت قیمت، هر باخیمدان ایش گوجو یارادیلماسی و مالیه ثابت‌لیگی‌نین شرط‌لرینی تامین ائتمک‌دیر. آنجاق دونیا میقیاسیندا نلرین باش وئردیگی ده اهمیت کسب ائدیر" دئیه پاول وورغولاییب.



ایلگیلی‌لی خبرلر