روسلارین ترجیحی یئنه تورکیه
تورکیهیه ایل سونونا قدر تخمیناً ۶ میلیون روس توریستین سفر ائتمهسی گؤزلنیر
تورکیه، بو ایلین گۆز دؤنمینده ده روس توریستلرین بیر نؤمرهلی تعطیل یئری اولور.
روسیا تور اوپراتورلاری آبیرلیگی (آتور) طرفیندن وئریلن آچیقلامادا، روسیادا سپتامبر-اکتبر آیلاریندا "مخمر مؤوسومو" اولاراق آدلاندیریلان دؤورده وطنداشلارین تعطیل اوچون یئنه تورکیهنی ترجیح ائتدیکلرینی قید ائتدی.
گؤزل هاوا و اویغون قیمتلری تورکیهنین یالنیز مخمر مؤوسومونده دئییل، نوامبر آییندا دا ترجیح ائدیلجگینه ایشاره ائدیلن آچیقلامادا، بو ایلین پاییز مؤوسومونده اؤتن ایلین عینی دؤورو ایله مقایسهده تورکیهیه قارشی طلبین یوزده۴۰ دولاییندا آرتدیغی معلوماتینا یئر وئریلدی.
روس روبلوندا یاشانان ثابیتلیگین ده وطنداشلارین تورکیهیه قارشی طلبینی آرتیردیغینین قید ائدیلدیگی آچیقلامادا، لارا و بهلهک (آنتالیا) ایله یاناشی، ایستانبولون دا روس توریستلرین گؤزده تعطیل نقطهلری آراسیندا اولدوغو قید اولوندو.
آنتالیا مدنیت و توریزم ایدارهسینین معلوماتینا گؤره، ژانویه-ژوئیه دؤورونده آنتالیایا سفر ائدن تخمیناً ۱۱،۱ میلیون خارجی توریستین یوزده ۳۸،۸۳ونو روسلار تشکیل ائتدی.
یئتکیلیلر، تورکیهیه ایل سونونا قدر تخمیناً ۶ میلیون روس توریستین سفر ائتمهسینی گؤزلییر.