روسیا آمریکا محصول‌لارینا محدودیت‌لر گتیریله‌جک

روسیا ایقتیصادی قالخینما باخانی ماکسیم اورشکین، ایدخال پولاد و آلومینیوما علاوه گؤمروک تعریفه‌سی تطبیق ائتمه‌سی سببی ایله، آمریکا محصول‌لارینا محدودیت‌لر گتیریله‌جگینی دئییب

995677
روسیا آمریکا محصول‌لارینا محدودیت‌لر گتیریله‌جک

روسیا ایقتیصادی قالخینما باخانی ماکسیم اورشکین، ایدخال پولاد و آلومینیوما علاوه گؤمروک تعریفه‌سی تطبیق ائتمه‌سی سببی ایله، آمریکا محصول‌لارینا محدودیت‌لر گتیریله‌جگینی دئییب.

ماکسیم اورشکین، باشکند موسکوادا ژورنالیست‌لره آچیقلامادا، آمریکانین علاوه گؤمروک تعریفه‌لر یولویلا قوروماچی تدبیرلر آلماغی داوام ائتدیرمه‌سی و روسیانین یاشادیغی ایتکی‌لری تلافی ائتممه‌سی سببیله، دونیا تیجارت تشکیلاتی (دتؤ) یانین‌داکی حاقلاریندان‌ ایستیفاده ائده‌جک‌لرینی دئییب.

بو چرچیوه‌ده قیسا بیر مدت ایچری‌سینده آمریکایا یؤنه‌لیک بیر سیرا تدبیر آلیناجاغینی قئید ائدن اورشکین،

"آمریکادان ایدخال ائدیلن و روسیادا یئرلشدیرمه‌سی اولان محصول‌لارا قارشی محدودلاشدیریجی تدبیرلر گؤرجگیک. سؤزوگئدن تدبیرلر روسیانین ماکرو ایقتیصادی قورولوشوندا منفی تأثیر یاراتمایا‌جاق." دئدی.

آمریکا، آرا‌لاریندا روسیانین دا اولدوغو چوخ سایدا اؤلکه‌دن ایدخال ائدیلن پولاد و آلومینیوما سیراسی ایله یوزده 25 و یوزده 10 گؤمروک تعریفه تطبیق ائدجگینی آچیقلامیشدی.

روسیا، کئچن آی دونیا تیجارت تشکیلاتی‌نه ائتدیگی معلوماتدا، آمریکانین علاوه گؤمروک تعریفه قرارینا جواب تدبیرلری کیمی تخمینن 550 میلیون دو‌لارلیق آمریکا محصول‌لارینا علاوه گؤمروک تعریفه تطبیق اولوناجاغینی بیلدیرمیشدی.



ایلگیلی‌لی خبرلر