تورکیه-نین ایقتیصادیات ناظیری فرانسادا سفرده دیر
تورکیه ایله فرانسا آراسیندا ایقتیصادی علاقهلر اینکیشاف ائتدیریلیر.
2017 -جی ایلده فرانسا ایله تورکیه آراسیندا 14.7 میلیارد دولارا چاتان تیجارت دؤورویهسینی، 2019-دا 20 میلیارد یورویا قالدیراجاییق. بونو ایقتیصادیات ناظیری نیهات زیبکجی دئییب.
تورکیه-فرانسا ایقتیصادی و تیجارت امکداشلیق کومیتهسینین (JETCO) 5-جی توپلانتیسی، ایقتیصادیات ناظیری زیبکجینین باشچیلیغی ایله کئچیریلیب.
ناظیر فرانسایا سفری چرچیوهسینده بو اؤلکهنین ایقتیصادیات ناظیری Bruno Le Maire و فرانسانین آوروپا بیرلیگی و خاریجی علاقهلردن مسئول دؤولت ناظیری Jean-Baptiste Lemoyne ایله ده بیر آرایا گلیب.
زیبکجی دانیشیقلار ایله علاقهلی وئردیگی آچیقلامادا، ثمرهلی ایجلاسلار کئچیردیکلرینی، ییغینجاقلاردا تورکیه و فرانسا ایش آداملارینین بیر آرایا گلدیگینی، ایکی اؤلکهنین، اوچونجو اؤلکهلرده حیاتا کئچیرجگی اورتاق لاییحهلری موذاکیره ائتدیکلرینی قئید ائدیب.
زیبکجی، خاریجی ایشلر و آوروپا بیرلیگی ایشلری عذره دؤولت ناظیری Lemoyne ایله گؤروشونده ایکی اؤلکه آراسیندا تیجارت دؤوریهسینین اینکیشاف ائتدیریلمهسی موضوع سونو، تورکیه ایله آوروپا بیرلیگی آراسینداکی گؤمروک بیرلیگی مسئلهلرینی اطرافلی دیرلندیردیکلرینی تیجارت دؤورویهسینین 2019-جو ایله دک آرتیراراق 20 میلیارد یورویا چاتدیرماق موضوع سوندا مطابیق قالدیقلارینی وورغولاییب.