چین، آمریکادان ایدخال ائدیلن 128 محصولا یوزده 15 ایله 25 وئرگی قویاجاق
ائدیلن آچیقلامادا، واشینگتون حکومتینین ایدخال پولاد و آلومینیوما سیراسی ایله یوزده 25 و یوزده 10 گؤمروک طریفه‌سینین دونیا تیجارت اؤرگوتو قانون‌لارینی پوزونتو ائتیگی و اؤلکه ماراق‌لارینا ضرر وئردیگی قید اولونوب
چین، واشینگتون حکومتینین پولاد و آلومینیوم طریفه‌لرینه قارشی‌لیق، آمریکادان ایدخال ائدیلن 128 محصولا یوزده 15 ایله 25 وئرگی قویاجاق.
چین مالیه ناظیرلیگین‌دن ائدیلن آچیقلامادا، واشینگتون حکومتینین ایدخال پولاد و آلومینیوما سیراسی ایله یوزده 25 و یوزده 10 گؤمروک طریفه‌سینین دونیا تیجارت اؤرگوتو قانون‌لارینی پوزونتو ائتیگی و اؤلکه ماراق‌لارینا ضرر وئردیگی قید اولونوب.
بو باخیم‌دان اؤلکه ماراق‌لاری‌نین قورونماسی اوچون پولاد و آلومینیوم محصول‌لارینا گتیریلن وئرگی‌لره جواب اولا‌راق چین‌ین 23 مارسدا درج ائتدیردیگی و آمریکادان ایدخال ائدیلن تخمینن 3 میلیارد دو‌لار مبلغین‌دکی 128 محصولا یوزده 15 ایله یوزده 25وئرگی پلانین بو گون‌دن اعتباراً ایجرایه قویولاجاغی بیلدیریلیب.
آمریکانین بیر آن اوّل دونیا تیجارت تشکیلاتی‌نین قایدا‌لارینی پوزماق‌دان ایمتیناع ائتمه‌سینی و ایکیطرف‌لی تیجارت علاقه‌لری نورمال آخارینا قایتارماسینی اومید ائدیریک". ایفاده‌لری ایستیفاده ائدیلن آچیقلامادا، هر ایکی طرف اوچون ایش بیرلیگی‌نین یگانه دوغرو یول اولدوغو وورغولانا‌راق، ایکی اؤلکه‌نین ناراحات‌لیق‌لارینی دیالوق و مذاکیره ایله حل ائتمه‌سی لازیم اولدوغو قید ائدیلیب.
بون‌دان باشقا، چین‌ین دونیا تیجارت تشکیلاتی‌نین بیر عضوو اولا‌راق، آمریکایا قارشی بعضی وئرگی ضرورتینی تاخیره آلماسی‌نین قانونی حاقی اولدوغونا ایشاره ائدیلیب.
چین‌ین 23 مارس تاریخ‌لی وئرگی جواب تدبیرلری پلانی، آمریکادان ایدخال ائدیلن 977 میلیون دو‌لار دگرینده قورو و تازا میوه، پولاد، شراب، او جمله‌دن 120 محصولا 15%، دگری 1،99 میلیارد دو‌لار اولان دونوز اتی و محصول‌لاری ایله آلومینیوم داخیل 8 محصولا 25 فایز علاوه وئرگی قویولماسینی احاطه ائدیر.
