باکی-تفلیس-قارص دمیر یولو خطینده هدف چین‌دیر

باکی-تفلیس-قارص دمیر یولو خطی گورجوستانلا تورکیه آراسیندا ایقتیصادی امکداشلیغا بؤیوک ایمکان‌لار یارادا‌جاق.

915255
باکی-تفلیس-قارص دمیر یولو خطینده هدف چین‌دیر

نقلیات، دنیزچی‌لیک و خبرلشمه ناظیری احمد آرسلان گورجوستانین باش ناظیری‌نین بیرینجی معاوینی، ایقتیصادیات و داواملی اینکیشاف ناظیری دمیتری کومسیشویلی ایله گؤروشون‌دن سونرا کئچیریلن مطبوعات کونفرانسیندا دئییب کی، گورجوستانلا تورکیه آراسیندا علاقه‌لرین داها دا گئنیشلنمه‌سی ایله نتیجه‌لنه‌جک بو لاییحه غرور وئریجی دیر. بو لاییحه آسیا ایله آوروپا آراسیندا فاصیله‌سیز نقلیات دهلیزی‌دیر.

"چین‌دن باشلایا‌راق آوروپایا قدر اوزانان تیجارتین باکی-تفلیس-قارص دمیر یولو خطی اوزریندن حیاتا کئچیریلمه‌سی اساس هدف‌لریمیزدن بیری‌دیر"، - دئیه احمد آرسلان وورغولاییب.

بوتون اؤلکه‌لرین تروردان اذیت چکدیگینی بیل‌دیرن ناظیر ترورون تامامیله آرا‌دان قالدیریلماسی ایستیقامتینده تورکیه‌نین گورجوستانلا موهوم ایش بیرلیگی قوردوغونو سؤیله‌ییب.

گورجوستانلا تیجارت حجمی‌نین 2016-جی ایلده 1،5 میلیارد دو‌لار سویه‌سینده اولدوغونو قئید ائدن ناظیر بونون داها دا آرتاجاغینا اینامینی دیله گتیریب.

دمیتری کومسیشوی‌لی ده اؤز نؤوبه‌سینه ایکی اؤلکه آراسیندا چوخ موهوم ایش بیرلیگی قورولدوغونو قئید ائده‌رک، باکی-تفلیس-قارص دمیر یولونون گورجوستان اوچون چوخ موهوم اولدوغونو سؤیله‌ییب.



ایلگیلی‌لی خبرلر