تورکیه-دن ایرانا یومورتا صادراتی
یومورتا اوره تیجیلری مرکز بیرلیگی (YUM-BİR) ایجرا هئیتی باشقانی حسن کونیا ایران-دان چوخ میقداردا یومورتا طلبی‌نین اولدوغونو بیلدیردی.
یومورتا اوره تیجیلری مرکز بیرلیگی (YUM-BİR) ایجرا هئیتی باشقانی حسن کونیا ایران-دان چوخ میقداردا یومورتا طلبی‌نین اولدوغونو بیلدیردی.
یومورتا طلبی اونلارا ایران بویوک ائلچیلیگی طرفیندن چاتدیریلدیغینی وورغولایان کونیا دئدی کی، ایران بویوک ائلچیلیگی زنگ ووردو، اؤلکه‌دکی قوش آنفولانزاسی ایله علاقه لی اولاراق یومورتا قیمت‌لری‌نین آرتدیغینی بیلدیردی و یومورتا صادراتینین اولماسینی ایسته‌دی. بیز ده کؤمک‌لیک گؤستره بیله جگیمیزی سؤیله دیک. ایکی هفته اول یومورتا صادراتینا باشلادیق.
ایراندا قوش آنفولانزاسینا گؤره یومورتا اوره تیمینده جدی پروبلئم‌لرین یاشاندیغینی، اؤلکه‌ده 70 فایزه یاخین تویوغون محو ائدیلدیگینی وورغولایان کونیا بونا گوره ده یومورتا قیمتلرینده حددن آرتیق آرتیم اولدوغونو ایفاده ائتدی.
ایران-دان جدی میقداردا یومورتا طلبی گلدیگینی دئین کونیا، اولکه ده یومورتا قیمتلرینده یاشانان بحرانین 5-6 آی عرضینده حل اولاجاغینی ایفاده ائتدی.
یومورتا اوره تیجیلری مرکزی بیرلیگی‌نین (YUM-BİR) ایجرا هئیتی باشقانی حسن کونیا تورکیه‌نین اورتا دوغو اؤلکه‌لرینه 2 مین کامیون یومورتا ساتیشینی پلانلاشدیردیغینی دا سؤیله‌دی.
