خاریجیلره ائو ساتیشی رکورد قیردی
تورکیهده اوکتبر آییندا خاریجی وطنداشلارا 2 مین 677 ائو ساتیلدی. بو، اؤتن ایلین عینی دؤورو ایله موقاییسهده 70،9 فایزدن آرتیق دیر.
تورکیهده اوکتبر آییندا خاریجی وطنداشلارا 2 مین 677 ائو ساتیلدی. بو، اؤتن ایلین عینی دؤورو ایله موقاییسهده 70،9 فایزدن آرتیق دیر.
بو رقم 2013-جو ایلین ژانویه آییندان اعتباراً آیلیق بازادا ان یوکسک سویهنین گؤستریجیسیدیر.
تورکیه ایستاتیستیک تشکیلاتینین (تویک) ائو ساتیش ایستاتیستیکینه گؤره، اؤتن ایلین 10 آییندا خاریجیلره 14 مین 776 ائو ساتیلیب، بو ایلین عینی دؤورونه عایید رقم ایسه 17 مین 918-دیر.
بئلهلیکله، بو ایلین ژانویه –اوکتبر آیلایرندا خاریجی وطنداشلارا ائو ساتیشلاریندا 21،3% آرتیم اولوب.
منزیل اینکیشافی و یاتیریمچیلار درنگی (KONUTDER) و "سور یاپی"نین ایداره هئیتینین صدری آلتان الماس خاریجی لره ائو ساتیشلارینین دوزنلی بیر شکیلده آرتدیغینی، ایلین سون 2 آییندا بو ساتیشلارداکی آرتیمین داوام ائدجگینی بیلدیردی.
"اؤزیورتلار هولدینگ"ین ایداره هئیتینین صدری تامر اؤزیورت کؤرفز بؤلگهسینده امین-آمانلیق و ثابتلیک پوزولدوقجا تهلوکهسیز بؤلگه اولان تورکیهیه ماراغین آرتدیغینی قئید ائدهرک: "تورکیه خاریجی یاتیریمجیلار اوچون هله ده جاذیب و اعتبارلی بیر بازاردیر، رقملر بیزه بونو دئییر" دئدی.