نفت بازاریندا غیری-ثابت‌لیک: گؤزلر وین-ه دیکیلیب

دونیا خام نفت بازاریندا اؤتن گون قیمت‌لرده بیر دو‌لار اوجوزلاشما باش وئریب.

لاکین سون هفته‌لرین ان جدی اوجوزلاشماسیندان سونرا قیمت‌لر یئنی‌دن 70-80 سنت باهالاشیب.

آمریکادا نفت ذخیره لری‌نین اؤتن هفته اوچون 2،5 میلیون بوشقا آزالاجاغی تخمین ائدیلیر. بو سون اوچ هفته‌ده ایلک جدی آزالما اولا بیلر. رسمی رقم‌لر بو گون آچیق‌لانا‌جاق.

بیرلشمیش عرب امیرلیک‌لری اوپک-ین قیمت‌لری نورمال‌لاش‌دیرماق اوچون اوره تیمین آزالدیلماسی راضیلاشماسی‌نین واختینی اوزاتماسینی واجیب حساب ائدیر. قیمت‌لرین بیر دو‌لار اوجوزلاشماسینا ان اساس سبب ایسه راضیلاشمانین یئنی‌دن اوزادیلماسینا شوبهه‌لرین اولماسی‌دیر.

نفت بازاریندا اساس دقت اوپک-ین گؤزلنیلن توپلانتی‌سینا‌دیر. عینی زاماندا امریکادا اوره تیم سویه‌سی و ذخیره لر یاخین‌دان ایزلنه‌جک.

حاضیردا "برنت" مارکا‌لی نفت 61،59 دو‌لاردان 62،31 دو‌لارا یوکسلیب. غربی تگزاس نفتی ایسه 56،44 دو‌لاردان تکلیف اولونور.