​​​​​​​تورکیه‌نین صادراتی آرتدی

تورکیه‌نین صادراتی، آگوستدا اؤتن ایلین عینی آیینا نیسبتا یوزده 12،3 آرتا‌راق 13 میلیارد 289 میلیون د‌لارا یوکسلیرکن، وارداتی یوزده 15،3 آرتیشلا 19 میلیارد 162 میلیون د‌لار اولدو.

تورکیه استاتیستیک قورومو (تویک) ایله گؤمروک و تیجارت باخانلیغی طرفین‌دن اولوشدورولان آگوست آیینا دایر گئچیجی خاریجی تیجارت رقملری آچیقلاندی.

بونا گؤره، آگوستدا خاریجی تیجارت کسری یوزده 22،8 آرتا‌راق 4 میلیارد 783 میلیون د‌لاردان 5 میلیارد 873 میلیون دول‌لارا یوکسلدی.

صادراتین وارداتی قارشیلاما نیسبتی، اؤتن ایلین آگوست آییندا یوزده 71،2 ایکن، بو ایلین عینی آییندا یوزده 69،3 اولدو.

آلمانیا، 1 میلیارد 340 میلیون د‌لارلا اؤتن آی ان چوخ صادراتین ائدیلدیگی اؤلکه اولدو.

بو اؤلکه‌نی 971 میلیون د‌لارلا عراق، 849 میلیون د‌لارلا اینگیلتره و 717 میلیون د‌لارلا آمریکا تعقیب ائتدی.

وارداتدا بیرینجی یئری 2 میلیارد 116 میلیون د‌لارلا چین آلدی.

چینی 1 میلیارد 859 میلیون د‌لارلا آلمانیا، 1 میلیارد 590 میلیون د‌لارلا روسیا و 986 میلیون د‌لارلا ایتالیا تعقیب ائتدی.