نفت هفتهیه 52 دولارلیق قیمتله باشلادی
بورسالارین بور هفته کئچیریلن ایلک تیجارت معامله سینده "برنت" مارکالی نفتین بیر بوشقاسی 52 دولاردان ساتیلیب.
بورسالارین بور هفته کئچیریلن ایلک تیجارت معامله سینده "برنت" مارکالی نفتین بیر بوشقاسی 52 دولاردان ساتیلیب. غربی تگزاس نفتی حاضیردا 48،75 دولاردان ساتیلیر. ایلک اوچ تیجارت معامله سینده قیمتلرده جدی دییشیکلیک اولماییب.
متخصصلر بو هفته قیمتلرین اقتصادی دئییل، سیاسی عامللره اساساً فورمالاشاجاغینی ادعا ائدیرلر. اونلارین فیکرینجه، کره یاریماداسیندا گرگینلیگین آرتماسی، ساواش احتیمالینین یوکسلمهسی بورسالارلارا تاثیری اولاجاق. حربی عملیاتلارین باشلاماسی نفته اولان طلباتی پسیکولوژی باخیمدان آرتیرا بیلر کی، بو دا قیمتلرین باهالاشماسینا تأثیر گؤسترهجک.
بو گون نفتین قیمتینده اهمیتلی رول اوینایاجاق عامل آپاریجی اینفورماسیا آژانس لارینین متخصصلری آراسیندا کئچیریلن سورغو اولاجاق. "رویترز" و "بلوومبرگ" متخصصلرینین اورتاق رایی نفتین هفتهلیک قیمتی ایله باغلی عمومی منظره نین فورمالاشماسینا تأثیر گؤستریر.
ایلگیلیلی خبرلر
تورکیه-نین روسیایا اتومبیل صنایعسی محصوللاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصوللاری صادراتی آزالیب.