ایلک تورک تیجارت مرکزی تهراندا آچیلدی

تورک تیجارت مرکزی‌نین آچیلیش مراسیمینه اقتصاد باخانی نیهاد زیبکجی ایله تورکیه و ایران‌لی ایش آدام‌لاری قاتیلدی

767660
ایلک تورک تیجارت مرکزی تهراندا آچیلدی

یورد دیشین‌داکی ایلک تورک تیجارت مرکزی، ایرانین باشکندی تهراندا آچیلدی.

تورک تیجارت مرکزی‌نین آچیلیش مراسیمینه اقتصاد باخانی نیهاد زیبکجی ایله تورکیه و ایران‌لی ایش آدام‌لاری قاتیلدی.

باخان زیبکجی، بورادا ائتدیگی دانیشمادا، ایران و تورکیه‌نین رقیب دئییل بیر بیرینی تاماملایان ایکی اؤلکه اولدوغونو ایفاده ائده‌رک،

"ایران و تورکیه، یالنیز ایران‌داکی یا یالنیز تورکیه‌دکی دئییل، عینی زاماندا دا اوچونجو اؤلکه‌لردکی، یعنی ایکی اؤلکه‌نین ده مدنیت جغرافیاسی دئدیگیمیز اوچونجو اؤلکه‌لردکی چوخ بؤیوک ایش بیرلیگی پتانسیلینی بیرلیکده دگرلندیره‌بیلمه قابیلیتینه صاحب ایکی اؤلکه" دئدی.

تورکیه‌نین ایلک خاریجی تیجارت مرکزی‌نین تهراندا آچیلدیغینا دقت چکن زیبکجی، عینی زاماندا تهراندا باشقا بیر اؤلکه‌یه عاید ایلک تیجارت مرکزی‌نین ده بو مرکز اولدوغونو قید ائتدی.

زیبکجی، تهران‌داکی تیجارت مرکزی‌نین یورد دیشین‌داکی ان اؤنم‌لی تورک تیجارت مرکزلرین‌دن بیری حالینا گله‌جیینی سؤیله‌یه‌رک،

"بورا بیر پراکنده ساتیش شیرکتی دئییل. بورا دیستریبیوتورلرین/توزیع ائدنلرین آلیش‌لاری‌نین ائدیلدیگی، توپ‌دان ساتیش و صادرات‌لارین ائدیلدیگی و حتی بورا‌داکی دوست‌لاریمیزین واردات باغلانتی‌لرینی گرچکلشدیردیک‌لاری بیر تیجارت مرکزی اولا‌جاق" دئدی.

هدف‌لری‌نین ایران ایله سربست تیجارت آنلاشماسی‌نین گرچکلشدیریلمه‌سی اولدوغونو خاطیرلا‌دان زیبکجی،

"هر شئیین سربست اولدوغو، بوتون آلیش وئریشین هئچ بیر محدودیته تابع اولمادیغی بیر سوره‌جه گیرمک. آرخایینام بونو دا گرچکلشدیره‌جه‌ییک" دئدی.

زیبکجینین تهراندا آچدیغی تورک تیجارت مرکزینه 62 تورک شیرکتین قاتیلدیغی ایفاده ائدیلیر.



ایلگیلی‌لی خبرلر