دونالد ترامپ: 4.1 تریلیون دو‌لارلیق 2018 مالی ایلین بودجه تکلیفی کونگره‌یه گؤندریلدی
بودجه تکلیفی، یوخسول آمریکا‌لی‌لارا تامین ائدیلن قیدا پوللاریندان ساغلیق بیمه‌سینه، اجتماعی دستک‌لی طیبی آراشدیرما و اوتویول فون‌لارینا قدر بیر چوخ ساحه‌ده کسیلمه‌یه گئدیلمه‌سینی هدفلییر
آمریکا پرزیدنتی دونالد ترامپین اؤلکه ایقتیصادینی داها سرعت‌لی بؤیوتمه‌یه هدف قویان تخمینن 4.1 تریلیون دو‌لارلیق 2018 مالی ایلین بودجه تکلیفی کونگره‌یه گؤندریلدی.
بودجه تکلیفی، یوخسول آمریکا‌لی‌لارا تامین ائدیلن قیدا پوللاریندان ساغلیق بیمه‌سینه، اجتماعی دستک‌لی طیبی آراشدیرما و اوتویول فون‌لارینا قدر بیر چوخ ساحه‌ده کسیلمه‌یه گئدیلمه‌سینی هدفلییر.
اسکی پرزیدنت باراک اوبامانین ساغلیق بیمه‌سی اوباماکی‌رین لغوینی ایچه‌رن تکلیف، همچینین فدرال چالیشان‌لارا یؤنلیک امکلیلیک حقوق‌لاری، جوتچولره ایستیقامت‌لی تشویق‌لر، اؤیرنجی کرئدیت‌لری‌نین دولت خیدمتی قارشیلیغیندا باغیشلانیلماسی کیمی پروقرام‌لارین دا سونلاندیریلماسینی هدف قویور.
قانونلاشماسی وضعیتینده آمریکا چئوره قوروما آژانسی (EPA)، خاریجی ایشلر و اکینجیلیک باخانلیقلارینین آرا‌لاریندا یئر آلدیغی 12 ناظیرلیگین یانیندا مختلیف فدرال تشکیلات‌لارین خرجلری‌نین محدودلاشدیریل‌دیرا‌جاق بودجه تکلیفینده نظرده توتولان کسینتیلری، گله‌جک 10 ایل ایچینده فدرال حکومته 1.4 تریلیون دو‌لارلیق قناعت تامین ائدجگی تخمین ائدیلیر.
دیگر طرف‌دن، وئرگی‌لرین جیدی شکیلده آزالدیلماسی پلان‌لاش‌دیریلان بودجه تکلیفینده، فردی گلیر وئرگی‌سی درجه‌سی‌نین اوست مرزی‌نین یوزده 39.6دان یوزده 35-ه؛ تشکیلات‌لار وئرگی‌سی نیسبتی‌نین ایسه یوزده 35دن یوزده 15-ه ائندیریلمه‌سی تکلیف ائدیلیر.
ترامپ رهبرلیگی، وئرگی گذشت‌لری‌نین سون ایللرده یوزده 2 جیواریندا گئدن بؤیومگی یوزده 3ون اوستونه چیخاراجاغینی و فدرال حکومته 10 ایل ایچینده 2 تریلیون دو‌لاردان چوخ علاوه گلیر تامین ائدجگینی مدافعه ائدیر.
آیریجا، 2018 مالی ایلی ساوونما خرجلری‌نین، کئچن ایله موقاییسه ایله 52 میلیارد دو‌لارلیق آرتیملا عمومی 639 میلیارد دو‌لارا چیخاریلدیغی تکلیف، ایچ امنیت و عدلیه ناظیرلیک‌لری ایله مرز امنیتینه آیریلان بودجه‌نین گئنیشلندیریلمه‌سی تکلیف ائدیلیر.
بو آرتیم، ترامپین مکزیک مرزینه هؤرمک ایستدیگی دیوار اوچون 1.6 میلیارد دو‌لار مالیلشدیریلمه‌سی ایچه‌ریر.
ترامپ رهبرلیگی، آلت یاپی پروژه‌لری اوچون 1 تریلیون دو‌لارلیق اؤزل یاتیریم یاراتماق اوچون ایستیفاده ائدیله‌جک 200 میلیارد دو‌لار اجتماعی مالیه‌سینی ده 2018 مالی ایلی بودجه‌سینه علاوه ائتدی.
ترامپ رهبرلیگی‌نین خصوصیله دموکراتلارین اهمیت وئردیگی سوسیال ساحه‌لرده کسینتی‌لر نظرده توتان بودجه تکلیفی‌نین، کونگره‌ده بؤیوک مذاکیره‌لره یول آچماسی گؤزلنیلیر.
آیریجا، مشهور بعضی جمهوریتچی‌لردن ده آغ ائوین تکلیفینی تنقید ائتمه‌سی، کونگره‌نین بودجه‌ده اهمیت‌لی دییشیک‌لیک‌لر ائدیله بیله‌جگینه ایشاره ائدیر.
جمهوریتچی‌لردن سناتو‌داکی ایکینجی شخصیت جان کورنین، بودجه قانونونا باغلی آچیقلاماسیندا،
"باراک اوباما ایله بیرلیکده آز قالا بوتون باشقان‌لارین بودجه تکلیف‌لری کونگره‌یه اؤلو
گلدی. ترامپین بودجه‌سی عینی قدری پای‌لاشا "دئدی. آریزونا سناتورو جان مک‌کین ده" کونگره‌یه اؤلو گلن بودجه‌نین "بو حالییلا کئچه بیلمیه‌جگینی مطبوعاتلا پایلاشان دیگر جمهوریچی نماینده‌لر آراسیندا یئر الدی.
ایلگیلی‌لی خبرلر
تورکیه-نین روسیایا اتومبیل صنایعسی محصول‌لاری صادراتی آزالیب
ژانویه-مارس آیلاریندا تورکیه-نین روسیایا اتومبیل صنایعسی محصول‌لاری صادراتی آزالیب.
