'باکی-تفلیس-قارس' دمیریولو خیدمته گیره‌جک

باکی-تفلیس-قارس دمیر یولو پروژه‌سی‌ تاماملانما مرحله‌سینه گلدی

685375
'باکی-تفلیس-قارس' دمیریولو خیدمته گیره‌جک

دونیانین ایزله‌دیگی 'باکی-تفلیس-قارس' دمیریولو پروژه‌سی ایکی آی سونرا خیدمته گیره‌جک.

اولاشدیرما، دنیزچی‌لیک و خبرلشمه باخانی احمد آرسلان، قارسدا آچیقلاماسیندا، باکی-تفلیس-قارس دمیر یولو پروژه‌سی‌نین تاماملانما مرحله‌سینه گلدیگینه ایشاره ائده‌رک،

"ایکی آی ایچری‌سینده تیکینتی‌لری بیتیریب اوندان سونراکی ایکی آیلیق مدتده ده تست‌لرینی ائدیب ژوئن آیی ایچری‌سینده آرتیق باکی-تفلیس-قارس پروژه‌سی ایله دیزل لوکوموتیو ایشلتمه‌چی‌لیگینه گئچمک ایسته‌ییریک" دئدی.

بو پروژه یالنیز تورکیه اوچون دئییل، تورکیه اوزرین‌دن تیجارت ائتمک ایسته‌ین بوتون دونیا اؤلکه‌لری اوچون اؤنملی پروژه اولدوغونو ایفاده ائدن آرسلان،

"چین‌دن قازاقیستان‌دان، تورکمنیستان‌دان، آذربایجان‌دان، گورجوستان‌دان گلن یوک حرکتی اؤلکه‌میز اوزرین‌دن آوروپایا گئده‌بیله‌جک" دئیه دانیشدی.

چین‌دن آوروپا بیرلیگی اؤلکه‌لرینه، دونیا بازارلارینا گئدن بیر محصولون دنیز یولو ایله 45 ایله 60 گون آراسیندا آپاریلابیلدیگینی سؤیله‌ین باخان احمد آرسلان، یئنه روسیا، قوزئی دهلیز اوزرین‌دن گئدن بیر محصولون ده بیر آیدان چوخ مدتده آدرسینه چاتابیلدیگینه دقت چئکدی.

آسلان، باکی-تفلیس-قارس دمیر یولو پروژه‌سی‌نین ایسه زامان و خرج ایتکی‌سینی آزالداجاغینی قید ائتدی.



ایلگیلی‌لی خبرلر