تورکیه نفت اوره‌تیمینده رکورد قیردی
شیرکت ژانویه‌ده یوردایچینده 34 مین بوشقا، یورددیشیندا ایسه 43 مین بوشقا نفت اوره‌تدی
تورکیه پترول‌لاری، ژانویه آییندا گونلوک 110 مین بوشقا نفت اوره‌ته‌رک رکورد قیردی.
شرکتین اینترنت سایتیندا یئر آلان آچیقلامایا گؤره، شیرکت ژانویه‌ده یوردایچینده 34 مین بوشقا، یورددیشیندا ایسه 43 مین بوشقا نفت اوره‌تدی.
بو آیدا، تورکیه پترول‌لاری‌نین طبیعی گاز اوره‌تیمی ایسه یوردایچینده 775 مین مکعب متر، یورددیشیندا دا 4 میلیون 700 مین مکعب متر اولدو.
شیرکتین 2015.جی ایلده 1،6 میلیارد د‌لار ایله تورکیه‌ده یورددیشینا ان چوخ سرمایه قویان شیرکت اولدوغو ایفاده ائدیلن آچیقلامادا، خاریجی اوره‌تیم فعالیت‌لرینده 77لیک بیر نیسبتله ایلک سیرانی آذربایجان پروژه‌لری‌نین آلدیغی و اونو سیراسیلا عراق و روسیا‌داکی پروژه‌لرین تعقیب ائتدیگی بیلدیریلدی.
آچیقلامادا، شیرکتین توپلام اوره‌تیمی‌نین یوزده 65لیک بؤلومونون خاریجده حیاتا گئچیریلدیگی وورغولانا‌راق، یئرلی و میلی انرژی سیاستینه اویغون اولا‌راق یوردایچین‌دکی هیدروکربن آختارما و اوره‌تیم فعالیت‌لرینه ده سرعت وئریلدیگی وورغولاندی.
یئنی کشف ائدیلن ساحه‌لر و اوره‌تیم آرتیشینی دستکله‌ین آراشدیرما-گلیشدیرمه پروژه‌لری یوردایچی اوره‌تیمین آرتیریلدیغی‌نین بیلدیریلدیگی آچیقلامادا، یورد ایچی اوره‌تیمین باتمان، آدی‌یامان و تراکیا بؤلگه‌سینده ائدیلدیگی ایفاده ائدیلدی.
