آوروپا دا تورک لیره‌سینه کئچیر

جمهورباشقانی رجب طیب اردوغانین تورک لیره‌سی چاغیریشینا آوروپا یئنی دن قورما و اینکیشاف بانکی دا (AYİB) سس وئردی.

تورک شیرکت‌لرینی ارز پروبلئمیندن قورتارماق اوچون آددیم آتان آوروپا یئنی‌دن قورما و اینکیشاف بانکی فینانس قایناق دستکینی تورک لیره سینه چئویرمک اوچون حرکته کئچدی.

"آوروپا یئنی‌دن قورما و اینکیشاف بانکی"نین تورکیه دیرکتورو ژان پاتریک مارگوئت: "تورک شیرکت‌لرینی تورک لیره سی جنسی کردیت‌لرله دستکله‌یه‌رک ارز ریسکینی ده آرا‌دان قالدیرماغی پلان‌لاش‌دیریریق" دئدی. بو ایل دؤرد لاییحه‌نی تورک لیره سی مالیه لشدیردیک‌لرینی بیلدیرن مارگوئت بو دورد لاییحه‌دن بیری بورسا ایستانبول یاتیریمی اولدوغونو بیلدیردی.

تورکیه‌یه اعتماد ائتدیک‌لرینی وورغولایان مارگوئت: "هدفیمیز ثمره‌لی‌لیگینی آرتیرماق ایسته‌ین اؤزل شیرکت‌لری ده احاته ائده‌جک خصوصی فینانسمان پروقرامی حاضیرلاماق‌دیر" شکلینده دانیشدی.

2015 -جی ایلده 1.9 میلیارد یورو ایله ان بؤیوک یاتیریمی تورکیه‌یه ائدن آوروپا یئنی‌دن قورما و اینکیشاف بانکی 2014-جو ایلده تورکیه‌یه 1.4 میلیارد یورو یاتیریم حیاتا کئچیرمیشدی. بو ایلکی یاتیریمین مبلغی‌نین ایسه 2 میلیارد یورویا چاتاجاغی گؤزلنیلیر.