اولوسلار آراسی پول صاندیغی، قلوبال بورجون، مالی بحران‌لارا یول آچا بیله‌جگی خبردارلیغی ائتدی

اولوسلار آراسی پول صاندیغی‌نین اوکتوبر 2016 مالی نظارت راپورونا گؤره قلوبال بورجون بوتون زامان‌لارین ان یوکسک سویه‌سینه چاتدیغی بیلدیریلدی

583786
اولوسلار آراسی پول صاندیغی، قلوبال بورجون، مالی بحران‌لارا یول آچا بیله‌جگی خبردارلیغی ائتدی

اولوسلار آراسی پول صاندیغی، 152 تریلیون دو‌لارا چاتان قلوبال بورجون، مالی بحران‌لارا یول آچا بیله‌جگی خبردارلیغی ائتدی.

اولوسلار آراسی پول صاندیغی‌نین اوکتوبر 2016 مالی نظارت راپورونا گؤره قلوبال بورجون بوتون زامان‌لارین ان یوکسک سویه‌سینه چاتدیغی بیلدیریلدی.

راپوردا، دونیا غیر صافی گلیری‌نین ایکی قاتینی آشان بو بورج میقداری‌نین، قلوبال ایقتیصادداکی کؤو‌رک توپارلانما بالتالایابیله‌جگی و مالی بحران‌لارا یول آچا بیله‌جگی خبردارلیغی ائدیلدی.

راپوردا، قلوبال مالی ثابت‌لیگه یؤنلیک قیسا مدت‌لی ریسک‌لرین آزالماسینا قارشی اورتا مدت‌لی ریسک‌لرین آرتدیغی بیلدیریلدی.

بیر چوخ اؤلکه‌ده سیاسی غیری-ثابت‌لیک یاشاندیغی ایفاده ائدیلن راپوردا، گلیرلرین آرتماماسی‌نین و اقتصادی برابرسیزلیگین بؤیومه‌سی‌نین، پوپولیست و ایچه دؤنوک سیاست‌لره یول آچدیغی وورغولانیب.

راپورا گؤره بو گلیشمه‌لر، اؤلکه ایقتیصاد‌لارینی و مالی بازارلاری شوک‌لارا قارشی قیریلقانلاشدیریرکن، دورغونلوق ریسکینی آرتیردی.

اولوسلار آراسی پول صاندیغی‌ راپوروندا، بانک سیتمینه ده خبردارلیق‌لار ائدیلدی.

راپوردا، اینکیشاف ائتمیش اؤلکه‌لردکی بانک‌لارین دؤردده بیری‌نین جدی آلت یاپی چتین‌لیک‌لرله قارشیلاشماغا داوام ائدجگی خصوصیله، اوروپا بانک‌لاری اوچون کؤک‌لو اصلاحات‌لارا و سیستماتیک رهبرلیگه احتیاج دویولدوغو بیلدیریلیب.



ایلگیلی‌لی خبرلر