تورکیه-تورکمنیستان-آذربایجان-آوروپابیرلیگی دؤردلو توپلانتیسی

انرژی و طبیعی قایناق‌لار باخانی تان‌ار ییلدیز، تورکمنیستان طبیعی گازی‌نین دگرلندیریلمه‌سینه دؤنوک بیر آنلاشما و دکلاراسیون متنی ایمضالاندیغینی بیلدیردی.
ییلدیز، تورکمنیستانین باشکندی عشق‌آباددا تشکیل ائدیلن "تورکیه-تورکمنیستان- آذربایجان- آوروپابیرلیگی دؤردلو گؤروشمه توپلانتیسی"نین آردین‌دان، مطبوعات منسوب‌لاری‌نین سوال‌لارینی جاوابلادی.
تورکیه‌ده انرژی و طبیعی قایناق‌لار باخانلیغی، خاریجی ایشلر باخانلیغی و بوتاش شرکتی طرفین‌دن قورولان قروپلا، مؤوجود نقطه‌یه گلیندیگینه توخونان ییلدیز، "حقوقی باغلاییجیلیغی اولان بیر متنین یول سونونا قدر یئتیشه‌بیله‌جگینه اینانیرام" دئدی.
توپلانتیدا، تورکیه‌نین قایناق، یول و اؤلکه چئشیدلیگی باخیمین‌دان پلان‌لارا اویغون گلن بیر نتیجه آلیندیغینی وورغولایان ییلدیز، "تورکیه خام نفتی تخمینا 11 بعضا 12 اؤلکه‌دن، طبیعی گازی دا 6 آیری اؤلکه‌دن آلیر. بو اؤلکه‌لرین ساییلارینی آرتیرماق ایسته‌ییریک. تورکیه‌نین انرژی سیاستی باخیمین‌دان چوخ بؤیوک فایداسی اولا‌جاق. قالدی کی "سوموک قارداشی" دئدیگیمیز تورکمنیستانلا اولوشدوردوغوموز نقطه‌نین سون درجه یاخشی اولدوغونو دوشونورم" دئیه دانیشدی.