آوراسیا جمهوریتلری‌نده گئچن هفته
بیرلشمیش میللتلر ایقلیم دییشیکلیگی چرچیوه موقاویله‌سی ۲۹.جو طرفلر کونفرانسی، آذربایجانین پایتاختی باکی‌دا موفق بیر شکیلده گئرچکلشدیریلدی
۱۰-۲۲ نوامبر ۲۰۲۴ تاریخلرینده دونیا سیاستینین دقتی آذربایجانا متمرکز اولدو. بیرلشمیش میللتلر ایقلیم دییشیکلیگی چرچیوه موقاویله‌سی ۲۹.جو طرفلر کونفرانسی، آذربایجانین پایتاختی باکی‌دا موفق بیر شکیلده گئرچکلشدیریلدی. ایندی بو اهمیتلی فعالیتین بؤلگه باخیمیندان دقت چکه‌ن حادثه‌لرینه نظر سالاق.
۱۱ نوامبر تاریخینده آذربایجانین پایتاختی باکی‌دا یاشیل بیر دونیا اوچون بیرلیکده دوراق شعاری ایله بیرلشمیش میللتلر ایقلیم دییشیکلیگی چرچیوه موقاویله‌سی ۲۹.جو طرفلر کونفرانسی باشلادی. ۱۲ نوامبر تاریخینده تخمیناً ۱۰۰ اؤلکه‌نین دؤولت و حکومت باشقانلارینین ایشتیراکی ایله دونیا لیدئرلری ایقلیم حرکت ذیروه‌سی ائدیلدی. ذیروه‌یه، آوراسیا جغرافیاسی جمهوریتلری‌ندن بلاروس، قازاقیستان، قیرقیزیستان، موغولستان، مولداوی، اؤزبکیستان، تاجیکیستان و تورکیه جمهورباشقانلاری، اؤزبکیستان و تاجیکیستان مجلیس باشقانلاری، گورجوستان، ماجاریستان و روسیا فدراسیونو باش ناظیرلری قاتیلدی. تورک دؤولتلری تشکیلاتی باشدا اولماق اوزره اونلارلا بین الخالق قورولوشون عمومی کاتیبلری ده کوپ ۲۹آ ایشتیراک تامین ائتدی.
کوپ ۲۹ داخیلینده آذربایجان، قازاقیستان و اؤزبکیستان جمهورباشقانلاری اوچلو گؤروشمه گئرچکلشدیردی. گؤروشمه نتیجه‌سینده اوچ دؤولت آراسیندا یاشیل انرژی اینکیشاف ائتدیرمه ساحه‌سینده راضیلاشما متنی ایمضالاندی. داها سونرا جمهورباشقانلاری، سعودی عربیستان انرژی ناظیری عبدالعزیز بن سلمان ایله دؤردلو گؤروشمه ائتدیلر. بو گؤروشمه‌ده، دؤرد اؤلکه‌نین انرژی ناظیرلری طرفیندن یاشیل انرژینین اینکیشاف ائتدیریلمه‌سی و انتقالی ساحه‌سینده امکداشلیق ایجرا پروگرامی ایمضالاندی. طرفلر، خزر دنیزی آلتیندان الکتریک انرژی شبکه‌سینی بیر بیرلرینه باغلاماغی هدفله‌ییر.
کوپ ۲۹ چرچیوه‌سینده تورک دؤولتلری تشکیلاتی اطراف و اکولوژی ناظیرلری ۱.جی ییغینجاغی گئرچکلشدیریلدی. ییغینجاق سونوندا ناظیرلر بیلدیرگه‌سی ایمضالاندی.
کوپ ۲۹ چرچیوه‌سینده پارلامنترلر ییغینجاقلاری دا ائدیلدی. پارلامنترلر ییغینجاغینا، ۶۶ اؤلکه‌دن اون ایکیسی مجلیس باشقانی اولماق اوزره ۳۳۰ نماینده قاتیلدی.
۱۹۶ اؤلکه‌دن ۷۲ مین نفرین قاتیلدیغی بیرلشمیش میللتلر ایقلیم دییشیکلیگی چرچیوه موقاویله‌سی ۲۹.جو طرفلر کونفرانسی، آذربایجانین اوست سویه‌ده حیاتا کئچیردیگی بین الخالق فعالیت اولاراق قئیدلره کئچدی.
***
۱۱ نوامبر ۲۰۲۴ تاریخینده، سعودی عربیستانین پایتاختی ریاض‌دا ایسلام امکداشلیق تشکیلاتی و عرب لیگی فؤوق العاده اورتاق ذیروه‌سی گئرچکلشدیریلدی. جمهورباشقانی رجب طیب اردوغانین دا ایشتیراک ائتدیگی ذیروه‌ده، اورتا شرق‌ده‌کی سون وضعیت اله آلیندی.
۱۴ نوامبر ۲۰۲۴ تاریخینده تورکمنیستانین پایتاختی عشق‌آباد‌دا تورکسوی اؤندرلیگینده تورک دونیاسی سینما ذیروه‌سی تشکیل ائدیلدی. ذیروه، هر ایل ائدیله‌ن قورقود آتا فیلم فستیوالی چرچیوه‌سینده گئرچکلشدی. ذیروه‌یه تورک جمهوریتلری‌ندن یاپیمچی، یؤنتمن و اویونچولار قاتیلدی. تورکسوی عمومی کاتیبی سلطان رائو، تورک دونیاسی سینما صاندیغینین قورولدوغونو آچیقلادی.
۱۵ نوامبر ۲۰۲۴ تاریخینده آبخازیا اؤزارک جمهوریتینده موخالیفلر، مجلیسه گیررک روسیا ایله ۳۰ اکتبر ۲۰۲۴ تاریخینده ایمضالانان سرمایه راضیلاشماسینین میللت وکیللری طرفیندن تصدیقله‌نمه‌سینه مانع اولدو. موخالیفت، روسیا ایله ائدیله‌جک سرمایه راضیلاشماسینین اؤلکه‌نین دموگرافیک قورولوشونو دییشدیرمه مقصدی ایله ائدیلدیگینی مدافعه ائدیر. ۱۱ نوامبر گونو باشلایان اعتراضلار داوام ائدیر. آبخازیادا جمهورباشقانی سئچکیلرینین یئنیدن ائدیلمه‌سی گوندمده‌دیر.
ایلگیلی‌لی خبرلر
تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
