تورک جمهوریتلری آراسینداکی بوتونلشمه مدتی
۱۵ یاشینی دولدوران تورک دؤولتلر تشکیلاتی دونیاداکی سایغین بین‌الخالق قورولوشلار آراسینداکی یئرینی آلدی
۶ نوامبر ۲۰۲۴ تاریخینده بیشکئک شهرینده تورک دؤولتلر تشکیلاتی ذیروه‌سی گئرچکلشدیریلدی. ذیروه وسیله‌سی ایله تورک جمهوریتلری آراسینداکی بوتونلشمه آدینا سون آیلاردا یاشانان اینکیشافلارا نظر سالاق.
کئچدیگیمیز سپتامبر و اکتبر آییندا تورک دؤولتلر تشکیلاتی بونیه‌سینده ایچ ایشلری ناظیرلرینین، انرژی ناظیرلرینین، گنجلیک و ایدمان ناظیرلرینین، توریزم ناظیرلرینین، عدالت ناظیرلرینین، میللی تهلوکه‌سیزلیک شکیلاتی باشقانلارینین، دینی قورول باشقانلارینین، خریطه‌چیلیک تشکیلاتلاری باشقانلارینین، خاریجی ایشلر ناظیرلرینین، ساغلاملیق ناظیرلرینین، اقتصاد و تیجارت ناظیرلرینین، صنایع، علم، تئکنولوژی و یئنیلیکچیلیک ناظیرلرینین ییغینجاقلاری گئرچکلشدیریلدی.
تورک جمهوریتلری آراسیندا امکداشلیغی آرتیراجاق یئنی بیرلیکلر قورولدو. مثلاً، ۲۶ سپتامبر ۲۰۲۴ تاریخینده تورک اؤلکه‌لری شاهمات بیرلیگی، ۱۰ اکتبر ۲۰۲۴ تاریخینده تورک دؤولتلری قیزیل آی و قیزیل خاج شبکه‌سی قورولدو.
۸-۱۳ سپتامبر ۲۰۲۴ تاریخلرینده آستانا شهرینده ۵.جی دونیا کؤچری اویونلاری گئرچکلشدیریلدی. ۵.جی دونیا کؤچری اویونلارینین آچیلیش مراسیمینه قازاقیستان، قیرقیزیستان، اؤزبکیستان، تاتاریستان و یاقوتیستان جمهورباشقانلاری، تورکمنیستان خالق مصلحتی باشقانی، بین‌الخالق تورک قورولوشلارینین عمومی کاتیبلری، تورک جمهوریتلرینین ایدماندان مسئول ناظرلری قاتیلدی.
۹-۱۱ سپتامبر ۲۰۲۴ تاریخلرینده باکی شهرینده تورک دونیاسی اورتاق الیفبا کومیسیونو ۳.جو ییغینجاغی گئرچکلشدیریلدی. ییغینجاق سونوندا ۳۴ حرفدن عبارت اولان اورتاق تورک الیفباسی تکلیفی اوزرینده آنلاشمایا چاتیلدیغی بیلدیریلدی.
۲۰ سپتامبر ۲۰۲۴ تاریخینده بیشکئک شهرینده تورکسوی‌ون جهدلری ایله کوتادگو بیلیگ و تورک دونیاسی فورومو تشکیل ائدیلدی. ۲۸ سپتامبر ۲۰۲۴ تاریخینده ایستانبول شهرینده بین‌الخالق تورک مدنیت و میراث وقفی طرفیندن تورک دونیاسیندا مه‌نی میراث و قوروما آدلی کونفرانس گئرچکلشدیریلدی. ۹-۱۰ اکتبر ۲۰۲۴ تاریخلرینده بیشکئک شهرینده تورک دؤولتلر تشکیلاتی صونعی ذکا فورومو تشکیل ائدیلدی.
۱۱ اکتبر ۲۰۲۴ تاریخینده عشق آباد شهرینده "بین‌الخالق زامان و مدنیت علاقه‌سی-معاصر دونیا و اینکیشافین تملی فورومو" تشکیل ائدیلدی. سؤزو گئدن فوروما ایران، قازاقیستان، قیرقیزیستان، اؤزبکیستان و تاتاریستان دؤولت باشقانلاری، تورکیه بؤیوک میللت مجلیسی باشقانی، تورک دؤولتلر تشکیلاتی، تورکسوی کیمی بین‌الخالق قورولوشلارین عمومی کاتیبلری قاتیلدی.
۲۲-۲۴ اکتبر ۲۰۲۴ تاریخلرینده تاتاریستانین پایتاختی قازان شهرینده ۱۶.جی بریکس ذیروه‌سی گئرچکلشدیریلدی. تاتاریستانین ریئیسی روستم میننه‌خانوو بوتون قوناقلاری هاوالیمانیندان قارشیلادی و یولا سالدی. تورک جمهوریتلرینین جمهور باشقانلاری بریکس ذیروه‌سینه ایشتیراک ائتدیلر. روستم میننه‌خانوو آذربایجان، اؤزبکیستان، تورکیه و تورکمنیستان جمهورباشقانلاری ایله گؤروشمه‌لر ائتدی. جمهور باشقانی میننه‌خانوو، ایکیلی علاقه‌لرین اینکیشاف ائتدیریلمه‌سینه وئردیگی قاتقیلاردان اؤترو جمهورباشقانلاری ایلهام علییئو، شؤوکت میرضیایئو و سردار بردی‌محمدووا دوستلوق مدالی تقدیم ائتدی.
***
۳ اکتبر تاریخینده ۱۵ یاشینی دولدوران تورک دؤولتلر تشکیلاتی دونیاداکی سایغین بین‌الخالق قورولوشلار آراسینداکی یئرینی آلدی. تورک دؤولتلر تشکیلاتی عمومی کاتیبی کوبانیچبئک عؤموعلییئوین ایفاده ائتدیگی اوزره، تشکیلات بونیه‌سینده ۴۰دان چوخ ساحه‌ده تورک جمهوریتلری آراسیندا امکداشلیق، بوتونلشمه مدتی آکتیو شکیلده داوام ائدیر.
ایلگیلی‌لی خبرلر
تورک جمهوریتلری‌نده کئچن هفته
تورک جمهوریتلری آراسینداکی امکداشلیغی گوجلندیره‌ن فعالیتلر سرعت کسمه‌دن داوام ائدی
