تورک جمهوریتلرینده گئچن هفته نه‌لر باش وئردی؟
آذربایجان جمهورباشقانی ایلهام علییئوین ایمضالادیغی قرار ایله ۲۰ سپتامبر تاریخی اؤلکه‌ده دؤولت اگمنلیک گونو اولاراق قئید اولوناجاق
۱۵-۱۸ سپتامبر ۲۰۲۴ تاریخلرینده آلمانیا باش ناظیری اولاف شولتس مرکزی آسیا اؤلکه‌لریندن اؤزبکیستان و قازاقیستانا سفر گئرچکلشدیردی. باش ناظیر شولتس ۱۵-۱۶ سپتامبر ۲۰۲۴ تاریخلرینده اول اؤزبکیستانا رسمی سفر ائتدی. سمرقند شهرینده اؤزبکیستان جمهور باشقانی شؤوکت میرضیایئو اولاف شولتس ایله گؤروشدو. گؤروشمه‌لر نتیجه‌سینده ایکی اؤلکه آراسیندا ۸ آنلاشما ایمضالاندی. لیدئرلر ایکی اؤلکه‌نین ایش دونیاسینین قاباقدا گلن لیدئرلری ایله ییغینجاق ائتدیلر و جمعیت ایداره‌چیلرینی حاضرلایاجاق اورتاق یوکسک مکتبین آچیلیش مراسیمینی گئرچکلشدیردیلار.
اؤزبکیستاندان قازاقیستانا گئچه‌ن آلمانیا باش ناظیری شولتس ۱۷ سپتامبر ۲۰۲۴ تاریخینده آستانادا مرکزی آسیا-آلمانیا ۲.جی ذیروه‌سینه قاتیلدی. ذیروه‌یه مرکزی آسیا اؤلکه‌لری دؤولت باشقانلاری تام ایشتیراک تامین ائتدیلر. ذیروه سونوندا اورتاق بیلدیری ایمضالاندی. ذیروه چرچیوه‌سینده لیدئرلر آراسیندا ایکیلی گؤروشمه‌لر ائدیلدی. مرکزی آسیا جمهویتلری جمهور اشقانلاری آلمان ایش دونیاسینین قاباقدا گلن نماینده‌لری ایله آیری آیری ییغینجاق تشکیل ائتدیلر.
۱۶ سپتامبر ۲۰۲۴ تاریخینده بیشکئک شهرینده تورک دؤولتلر تشکیلاتی انرژی ناظیرلری شوراسی ۴.جو ییغینجاغی تشکیل ائدیلدی. ییغینجاغا آذربایجان، قازاقیستان، قیرقیزیستان، ماجاریستان، اؤزبکیستان و تورکیه‌نین انرژی ناظیرلری و کؤمکچیلری، مرتبط اؤلکه‌لرین سفیرلری قاتیلدی. ییغینجاق سونوندا نتیجه بیلدیرگه‌سی ایمضالاندی.
۱۹ سپتامبر ۲۰۲۴ تاریخینده بیشکئک شهرینده قیرقیزیستان-ماجاریستان ایستراتژیک شوراسی ۴.جو ییغینجاغی گئرچکلشدیریلدی. ییغینجاغا قیرقیزیستان خاریجی ایشلر ناظیری جئن‌بک کولوبایئو و ماجاریستان خاریجی ایشلر و خاریجی تیجارت ناظیری پتر سیارتو باشقانلیق ائتدی. ییغینجاق سونوندا پروتوکول ایمضالاندی. عینی گون آنکارا شهرینده ۲۰۲۴ تورک-ماجار مدنیت ایلی سمپوزیومو گئرچکلشدیریلدی.
۱۹ سپتامبر ۲۰۲۴ تاریخینده تورکیستان شهرینده تورک دؤولتلر تشکیلاتی میللی تهلوکه‌سیزلیک قورولو باشقانلاری ۳.جو ییغینجاغی گئرچکلشدیریلدی. ییغینجاغا تشکیلاتا عضو اؤلکه‌لرین میللی تهلوکه‌سیزلیک قورولو عمومی کاتیبلری قاتیلدی.
۱۹ سپتامبر ۲۰۲۴ تاریخینده آستانا شهرینده بین الخالق آرال گؤلونو قورتارما صاندیغی ایداره هیئتی ییغینجاغی ائدیلدی. ییغینجاغا قازاقیستان، قیرقیزیستان، تاجیکیستان، تورکمنیستان و اؤزبکیستاندان ناظیرلر ایشتیراک ائتدی. ییغینجاق سونوندا ۱۰ تعلیمات و ۴۰دان چوخ تدبیردن عبارت اولان آرال گؤلونو قورتارما حرکت پلانی ایمضالاندی.
۲۰ سپتامبر ۲۰۲۴ تاریخینده بیشکئکده تورکسویون جهدلری ایله قوتادغو بیلیگ و تورک دونیاسی فورومو تشکیل ائدیلدی. فوروما آذربایجان، قازاقیستان، اؤزبکیستان و تورکیه‌دن عالیملر قاتیلدی. قیرقیزیستان ناظیرلر کابینه‌سینین قراری ایله ۲۱ سپتامبر تاریخی اؤلکه‌ده یوسف خاص حاجبی خاطیرلاما گونو اولاراق اعلان ائدیلمیشدی.
۲۱ سپتامبر ۲۰۲۴ تاریخینده موسکوادا ۲۰. بین الخالق مسلمان فورومو تشکیل ائدیلدی. فوروما روسیا-ایسلام دونیاسی ایستراتژیک ویزیون قروپو باشقانی، تاتاریستان جمهوریتی رئیسی روستم میننه‌خانوو، دیگر تورک جمهورلریندن نماینده‌لر قاتیلدی. فوروم چرچیوه‌سینده راویل گاینوتدین یئنیدن روسیا موفتیلر شوراسی باشقانی سئچیلدی.
***
آذربایجان جمهورباشقانی ایلهام علییئوین ایمضالادیغی قرار ایله ۲۰ سپتامبر تاریخی اؤلکه‌ده دؤولت اگمنلیک گونو اولاراق قئید اولوناجاق. خاطیرلاناجاغی اوزره، ۲۰۲۳-جو ایلین ۱۹-۲۰ سپتامبر تاریخلرینده آذربایجان اوردوسو اؤلکه‌نین تورپاقلاریندان آیریلیقچی عنصورلاری تمیزلمیش، آذربایجانین تورپاق بوتونلوگو تام معناسییلا تامین ائدیلمیشدی.
