"سولو کوفته" نئجه پیشیریلیر؟

تورک مطبخی‌نین وازگئچیلمز یئمکلریندن بیری "کوفته"دیر. قییلمیش اتین ادویه‌لرله قاریشدیریلیب پیشیریلمسی ایله اورتایا چیخان کؤفته‌نین تورکیه‌ده 300-ه یاخین نوعو اولدوغو دئییلر. دئمک اولار کی، هر بؤلگه‌ده اؤز آدی ایله آدلاندیریلان اؤزل کؤفته‌لر وار. سیزه قابلاما یئمگی اولان " سولو کوفته" تعریفینی وئرجه‌ییک. آنادولونون لذت‌لی یئمک‌لرین‌دن بیری، هم ائوده پیشیریلن، هم ده رستوران منوسونا گیرن  بو یئمک "سولو کوفته"دیر. ایندی حاضرسانیز، لازیم اولانلاری سایماق اوچون حرکته گئچه‌بیله‌ریک.

300  قرام‌لیق قیمه اتی (گوشت چرخ کرده)

1  رنده‌لنمیش سوغان

1-2 دیش ازیلمیش ساریمساق‌

1  چای فینجانی اینجه پارچالانمیش بولغور

1  چای قاشیغی دوز

¼  چای قاشیغی ایستی اوت

¼  چای قاشیغی کیمیون (زیره)

¼  چای قاشیغی قیرمیزی بیبر

2  دنه دوغرانمیش یئرآلما

2  قاشیق اون

2  قاشیق بامادور روببو

سولو کوفته‌نی پیشیرمک واختی‌دیر. اوّلجه قییمه‌نین اوستونه بولغور، ازیلمیش ساریمساغی، ادویه‌لری و دوزو اکله‌یین و یاخشی یوغورون. یوغرولموش اتی 15 دقیقه استراحت ائتدیرین، سونرا کیچیک ات پارچالارینی قوپارین و اووجوزدا یووارلاین و ایکی سانتیمتر قوطروندا کیچیک توپ‌لار ائدین. اونو بؤیوک بیر مژمیئیه دؤکون. کوفته توپ‌لارینی مژمئیه قویون، اونون بوتون کوفته‌یه یاییلماسینا ایمکان وئرن مژمئیینی سیلکلیین. سونرا 3-4 دقیقه بؤیوک قابلامادا کیچیک دوغرانمیش سوغانلاری یاغدا قووورون. یومشالدیلمیش سوغان‌لارا بامادور روببو، دوز و دوغرانمیش یئرآلمانی علاوه ائدین و 2 دقیقه قووورماغا داوام ائدین. سونرا قازانا ایستی سو علاوه ائدین و یئرآلمانی یومشالتماق اوچون 10 دقیقه پیشیرین. یاریم پیشمیش یئرآلمانین اوستونده اونلو کؤفته توپ‌لاری علاوه ائدین. قابلامانین قاپاغینی باغلایین،  اودون آلتینی آزالدین و تخمینن 15 دقیقه پیشیرین. ککلیک اوتو و یا قورودولموش نعناع ایله سپه‌له‌یه‌رک قیداینی سرویس ائده‌بیلرسینیز. عافیت اولسون.