گئچه‌ن هفته تورک جمهوریتلرینده بایراملار آرخا آرخایا قوتلاندی
۳۰ آگوست ۲۰۲۴ تاریخینده تورکیه‌ده ظفر بایرامی، قازاقیستاندا آنایاسا گونو قوتلاندی. ۳۱ آگوست ۲۰۲۴ تاریخینده قیرقیزیستان، ۱ سپتامبر تاریخینده اؤزبکیستان مستقیللیک گونلرینی قوتلادیلار
۲۸ آگوست ۲۰۲۴ تاریخینده قازاقیستان جمهورباشقانی قاسیم جومرد توکایئو بیرلشمیش میللتلر باش کاتیبی کؤمکچیسی، سلاحسیزلانما ایشلری یوکسک نماینده‌سی ایزیمی ناکامیتسونو قبول ائتدی. گؤروشمه‌ده گلوبال سیاستده‌کی چالخالانمالار و قازاقیستانین دونیانی نووه سلاح‌ان تمیزله‌مه مؤوضوعونداکی ایشلری اله آلیندی.
۲۸-۲۹ آگوست ۲۰۲۴ تاریخلرینده تورکیه جمهوریتی مدنیت و توریزم ناظیری محمد نوری ارسوی اؤزبکیستانا رسمی سفر گئرچکلشدیردی. ناظیر ارسوی اؤزبکیستان جمهورباشقانی شؤوکت میرضیایئو طرفیندن قبول ائدیلدی. داشکند شهرینده اؤزبکیستان جمهوریتی مدنیت ناظیری اوزودبک نظربئکوو ایله گؤروشه‌ن ناظیر ارسوی، ۲۰۲۵.جی ایلده اؤزبکیستاندا تورکیه‌نین مدنیت فستیوالینی تشکیل ائد‌جکلرینی آچیقلادی. ناظیر ارسوی سفر چرچیوه‌سینده اؤزبکیستان اکولوژی، اطراف قوروما و ایقلیم دییشیکلیگی ناظیری عزیز عبدوحاکیموو و اؤزبکیستان توریزم کمیته‌سی باشقانی اومید شادیئو ایله گؤروشمه‌لر ائتدی.
۲۸ آگوست ۲۰۲۴ تاریخینده تورکمنیستان جمهوریتی خالق مصلحتی باشقانی قوربانقولو بردی‌محمدوو ایران ایسلام جمهوریتینه ایش سفری گئرچکلشدیردی. قوربانقولو بردی‌محمدوو تهران شهرینده ایران ایسلام جمهوریتی جمهورباشقانی مسعود پزشکییان، دینی لیدئر آیت‌الله علی خامنه‌ای ایله گؤروشمه‌لر ائتدی. گؤروشمه‌لر نتیجه‌سینده ایکی اؤلکه آراسیندا ۴ آنلاشما ایمضالاندی.
۲۹ آگوست ۲۰۲۴ تاریخینده افغانیستان طالبان رهبرلیگینین معدنچیلیک و نفتدن مسئول ناظیری ح. بدری تورکمنیستانا سفر گئرچکلشدیردی. عشق‌آباددا ناظیر باری بعضی گؤروشمه‌لر ائتدی. گؤروشمه‌لر نتیجه‌سینده ایکی اؤلکه آراسیندا ۴ آنلاشما ایمضالاندی. ۳۰ آگوست ۲۰۲۴ تاریخینده اؤزبکیستان جمهوریتی انرژی ناظیری تورکمنیستانا سفر گئرچکلشدیردی.
۲۷-۳۰ آگوست ۲۰۲۴ تاریخلرینده سمرقند شهرینده ۱۳.جو بین الخالق شرق ترانه‌لری موسیقی فستیوالی ائدیلدی. یونسکو و ایسسکو حمایه‌سینده تشکیل ائدیله‌ن فستیوالا ۸۰ اؤلکه‌دن ۳۰۰دن چوخ صنعتچی قاتیلدی. بین الخالق شرق ترانه‌لری موسیقی فستیوالی ۱۹۹۷.جی ایلده‌ن بو یانا تشکیل ائدیلیر.
گئچه‌ن هفته تورک جمهوریتلرینده بایراملار آرخا آرخایا قوتلاندی. ۳۰ آگوست ۲۰۲۴ تاریخینده تورکیه‌ده ظفر بایرامی، قازاقیستاندا آنایاسا گونو قوتلاندی. ۳۱ آگوست ۲۰۲۴ تاریخینده قیرقیزیستان، ۱ سپتامبر تاریخینده اؤزبکیستان مستقیللیک گونلرینی قوتلادیلار.
***
۲۷ آگوست ۲۰۲۴ تاریخینده آذربایجان جمهوریتی خاریجی ایشلر ناظیری جئیهون بایراموو تورکیه‌یه رسمی سفر گئرچکلشدیردی. ناظیر بایراموو آنکارا شهرینده تورکیه جمهوریتی خاریجی ایشلر ناظیری حاکان فیدان ایله گؤروشدو. گؤروشمه‌ده ایکیلی، بؤلگه‌سل و گلوبال مؤوضوعلار ماسایا یاتیردیلدی.
۲۸ آگوست ۲۰۲۴ تاریخینده تورکیه جمهوریتی نقلیات و آلت یاپی ناظیری عبدالقادیر اورال‌اوغلو قوزئی قیبریس تورک جمهوریتینه سفر گئرچکلشدیردی. ناظیر اورال‌اوغلو قوزئی قیبریس تورک جمهوریتی جمهورباشقانی ار‌سین تاتار طرفیندن قبول ائدیلدی. سفر چرچیوه‌سینده لئفکوشا چئوره یولونون تملی آتیلدی.
۳۰ آگوست ۲۰۲۴ تاریخینده آذربایجان جمهورباشقانی ایلهام علییئو تورکیه-آذربایجان دوستلوق قروپو باشقانی شامیل آیرم باشقانلیغینداکی تورکیه بؤیوک میللت مجلیسی هیئتینی قبول ائتدی. تورکیه بؤیوک میللت مجلیسی هیئتی پارلمان عمومی سئچکیلرینی مشاهیده ائتمک اوچون آذربایجاندا ایدی. ۱ سپتامبر ۲۰۲۴ تاریخینده ائدیله‌ن سئچکیلری ۵۹۸ خاریجی موشاهیده‌چی ایزله‌دی.
