"تاس کبابی" نئجه پیشیریلیر؟

"تاس کبابی" آدلی یئمه‌یین تعریفینی پایلاشاجاییق. قدیم واخت‌لارا سؤیکنن بو یئمک، عثمانلی مطبخی‌نین ان مشهور یئمک‌لرین‌دن بیری‌دیر. تورک دیلینده تاس کاسا دئمک. میس تاسلاردا پیشیریلدیگی اوچون، بو یئمه‌یین آدی تاس یئمک کبابی اولموش. چوخ آسان یئمک اولان کباب تک و یا یئرآلما پوره‌سی و یا دویو ایله موکمل هارمونی‌ده سرویس ائده‌بیلر.

کباب حاضیرلاماق اوچون، لازیم اولانلار:

 یاریم کیلو قوزو اتی

1  یئمک قاشیغی مایع یاغی

2  یئمک قاشیغی کره یاغی

1  کیچیک دوغرانمیش سوغان

1  دنه  ایریجه دوغرانمیش یئرکؤکو

3  دنه  ایریجه دوغرانمیش یئر آلما

4  دیش ساریمساق

2  چای قاشیغی بامادور روبّو

3  فینجان ایستی سو

½  چای قاشیغی دوز

 قارا بیبر

تاس کبابی پیشیرمک اوچون ایلک نوبه‌ده مایع یاغی قازانا قویون، کره یاغی علاوه ائدیب اتلری قابلامایا قویون. اورتا حرارتده، اتلر سویونو بیراخیب یئنی‌دن چکینجه‌یه قدر پیشیرین. سونرا کیچیک دوغرانمیش سوغان علاوه ائده‌رک اتلری قیزارتماغا داوام ائدین. بیر نئچه دقیقه‌دن سونرا ساریمساغی علاوه ائدین. سوغان و ساریمساق یوموشایینجا، بامادور سوسونو علاوه ائدیب قاریشدیرین. سونرا قازانا ایستی سو تؤکون. نهایت، دوغرانمیش یئر آلما و یئرکؤکو علاوه ائدین. یئمه‌یی قارا بیبر و دوز ایله لذتلندیرین. قابلامانین قاپاغینی قویون و اتلری یوموشایانا قدر ان آزی 30 دقیقه آشاغی اوددا پیشیرین. عافیت اولسون.