"قاباق موجوئری" نئجه پیشیریلیر؟
موجوئر، وگانلار اوچون اولماسا دا وجترین-لرین آسانلیقلا ائدهجکلری بیر یئمک نوعودور
داها اوّلکی پروقراملاریمیزدا تورک مطبخینده اتسیز بیشیریلن چوخ سایدا یئمک تعریفی اولدوغوندان بحث ائتمیشدیک. چوخو آنا یئمکدن چوخ، تاماملاییجی، یان یئمک کیمی تقدیم اولونان بو یئمکلرین اساس ماتریالی اساساً تروزدور. بو گون سیزلره تعریفینی وئرجگیمیز بیر کباب نوعو "موجوئر" ده (کوکو) محض او یئمکلردن بیر دنهسی. قاباغین، پنیر، اون، یومورتا و لذت وئریجی قاریشدیرماسی و سونرا کیچیک پارچالارا بؤلونوب قیزاردیلماسی ایله حاضیرلانان بیر یئمکدیر موجوئر. وگانلار اوچون اولماسا دا وجترین-لرین آسانلیقلا ائدهجکلری بیر یئمک نوعو. تورکیهده گئنیش بوداقلا آپاریلسا دا، موجوئر-ی دئمک اولار کی، هر بیر تروز ایله آپارماق دا مومکون. بیز بو گون سیزه بوداقلا کئچیریلن کلاسیک "قاباقلی موجوئر" تعریفی وئرجهییق.
موجوئر تعریفینی وئرمهیه کئچمزدن اوّل هر زامانکی کیمی ماتریاللاریمیزی سایاق؛
4-5 عدد کیچیک یاشیل قاباق
3 دنه چالینمیش یومورتا
1/3 ایستکان دوغرانمیش جعفری
1/3 ایستکان دوغرانمیش شویود
1 ½ ایستکان اون
4-5 دنه خیردا دوغرانمیش تزه سوغان
1 ایستکان ازیلمیش آغ پنیر
1 شیرین قاشیغی دوز
1 چای قاشیغی ایستیاوت
1/2 ایستکان زیتون یاغی، قیزارتماق اوچون
یوقورد سوسو؛
1 ایستکان یوقورد
1 دیش ساریمساق
زامان گلدی موجوئر-ی حاضیرلاماغا؛
اولا، قاباقلاری رندهنین ایری بؤلومو ایله رندلهیین. موجوئر-ی سولانماماسی اوچون، رندلنمیش بوداقلاری خفیفجه دوزلایاراق 10 دقیقه گؤزلدین. سولارینی سالمیش اولان قاباقلارین سویونو یاخشیجا سیخاراق چیخارین و گئنیش بیر قابا آلین. اوزرینه چالینمیش یومورتا، دوغرانمیش تزه سوغانی، شویودو، جعفری، دوزو، ایستیاوتو و 3 قهوه فینجانی اونو علاوه ائدین. بوتون ماتریاللار ایله قاریشدیریب، معجون قیوامی آلانا قدر بیر قاشیق ایله قاریشدیرین. بو آرادا قیزارتما یاغینی قیزدیرین. قاباقلی خمیردن بیر خؤرک قاشیغی قدر بؤلوملر آییریب قیزدیریجی یاغدا قیزاردین. موجوئر-لرین آرتیق یاغین حولو کاغیذا سوزدورهرک بوشقابا آلین. سووسو حاضیرلاماق اوچون بیر ایستکان قاتیقی، پارچالانمیش بیر دیش ساریمساقلا چالین. موجوئر-لری اوتاق ایستی و یا سویوق اولاراق اوزرینه قاتیقلی سوسو تؤکهرک سرویس ائدین. عافیت اولسون
