تورک جمهوریتلرینده گئچن هفته نهلر یاشاندی؟
تورک دؤولتلر تشکیلاتینا عضو اؤلکه وطنداشلاری بیر بیرلرینه کیملیکسیز سیاحت ائدهبیلمه ایمکانینا قوووشدورولابیلر
۱۲ آگوست ۲۰۲۴ تاریخینده تورکمنیستانین آوازا شهرینده خزر دنیزی گونو وسیلهسی ایله "خزر دنیزی: داوام ائتدیریلهبیلر قالخینما اوچون امکداشلیق" باشلیقلی بین الخالق کنفرانس گئرچکلشدیریلدی. کنفرانسا خزره ساحلی اولان اؤلکهلرین، بینالخالق قورولوشلارین و علم دونیاسینین نمایندهلری، دیپلوماتلار ایشتیراک ائتدی. سؤزو گئدن کنفرانس ۲۰۰۲-جی ایلدهن بو یانا تشکیل ائدیلیر.
۱۳-۱۴ آگوست ۲۰۲۴ تاریخلرینده تورکمنیستان جمهوریتی ناظیرلر کابینهسی باشقان کؤمکچیسی و خاریجی ایشلر ناظیری راشید مردوو باشقانلیغینداکی هیئت تورکیهیه رسمی سفر گئرچکلشدیردی. تورکمنیستان خاریجی ایشلر ناظیری راشید مردوو تورکیه جمهورباشقانی رجب طیب اردوغان طرفیندن قبول ائدیلدی. تورکیه جمهوریتی خاریجی ایشلر ناظیری حاکان فیدان و ناظیر راشید مردوو گؤروشمهسینده ایکی اؤلکه علاقهلری ایله مختلیف مؤوضوعلار ماسایا یاتیردیلدی. گؤروشمهنین آنا گوندمینی تورکمن طبیعی گازینین آوروپا اؤلکهلرینه انتقالی قونوسو اولوشدوردو. تورکمنیستان جمهوریتی ناظیرلر کابینهسی باشقان کؤمکچیسی راشید مردوو سفر چرچیوهسینده تورکسوی عمومی مرکزینه ده گئتدی. اؤته یاندان، ۱۴ آگوست تاریخینده تورکمنیستان مدافعه ناظیری بگنچ گوندوغدیئو تورکیه مدافعه ناظیری یاشار گولر ایله گؤروشدو.
۱۵ آگوست ۲۰۲۴ تاریخینده قیرقیزیستانین چولپون آتا شهرینده مرکزی آسیا فؤوقالعاده وضعیتلر ناظیرلری فورومو گئرچکلشدیریلدی. فوروما قازاقیستان، قیرقیزیستان، اؤزبکیستان و تاجیکیستان فؤوقالعاده وضعیتلر ناظیری، بینالخالق تشکیلاتلارین نمایندهلری و متخصصلر قاتیلدی. فورومدا طبیعی فلاکتلرده امکداشلیق، تجروبه پایلاشیمی و اونلارین ضررلرینی مینیمیزه ائتمه مؤوضوعلاری مذاکیره ائدیلدی. فوروم چرچیوهسینده قیرقیزیستان و اؤزبکیستان فؤوقالعاده وضعیتلر ناظیرلری ایکیلی امکداشلیق مؤوضوعلارینی دانیشدیلار و اورتاق شکیلده ائدیلهجک فعالیتلرین پلانینی قبول ائتدیلر.
فرانسادا تشکیل ائدیلهن یاز المپیک اویونلاری تاماملاندی. تورک دؤولتلر تشکیلاتینا عضو اؤلکهلرین ایدمانچیلاری توپلامدا ۴۱ مدال قازاندیلار. المپیک اویونلارینا ۱۹ ایدمانچی گؤندرهن و ۶ مدال قازانان قیرقیزیستان المپیک اویونلارینین ان باشاریلی اؤلکهسی اولدو. سؤزو گئدن المپیک اویونلارینین ان بؤیوک قازانیمی اولاراق، تورک دونیاسی ایدمانچیلارینین و خالقینین اویونلاردا بیر بیرلرینه دستک چیخمالاری، ایدمان وسیلهسی ایله تورک جمهوریتلری آراسیندا قارداشلیغین داها دا برکیمیش اولماسی گؤستریلهبیلر.
قازاقیستان و اؤزبکیستان آراسیندا کیملیکله سیاحت تطبیقینین دانیشیلماقدا اولدوغو آچیقلاندی. طرفلر بئلهلیکله قارشیلیقلی سفرلرین آرتماسینی و بونون ایکیلی علاقهلرین برکیمهسینه قاتقی وئرمهسینی هدفلهییرلر. قازاقیستان و قیرقیزیستان، اؤزبکیستان و قیرقیزیستان، آذربایجان و تورکیه آراسیندا کیملیکله سیاحت تطبیق اولونور. تورک دؤولتلر تشکیلاتینا عضو اؤلکه وطنداشلاری بیر بیرلرینه کیملیکسیز سیاحت ائدهبیلمه ایمکانینا قوووشدورولابیلر.
***
۱۳ آگوست ۲۰۲۴ تاریخینده تورکیه جمهوریتی جمهورباشقانلیغی مدافعه صنایعی باشقانی حالوک گؤرگونون آذربایجانا رسمی سفر گئرچکلشدیردی. باکی شهرینده باشقان گؤرگونون آذربایجان مدافعه صنایعی ناظیری ووقار مصطفییئو، آذربایجان دیجیتال اینکیشاف و نقلیات ناظیری رشاد نبییئو، آذربایجان مدافعه ناظیر کؤمکیسی عاغیل قوربانوو ایله آیری آیری گؤروشمهلر ائتدی.
آذربایجان و اؤزبکیستان مدافعه ناظیرلیکلری آراسیندا ائدیلهن امکداشلیق آنلاشماسینا اساساً، گئچهن هفته اؤزبک عسگری پرسنلی آذربایجاندا ایها ایستیفادهسی و پلانلانماسی کورسونا قاتیلدیلار.
