بولگهسل محاربه باشلایا بیلر
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون مؤوضوع ایله باغلی قلمه آلدیغی مقالهسی
تورکیه سیاست، اقتصادیات و جمعیت آراشدیرمالاری فوندو – ستا-نین آراشدیرماچی-یازاری جان آجونون مؤوضوع ایله باغلی قلمه آلدیغی مقالهسی
بنیامین نتانیاهو رهبرلیگی آلتینداکی ایسراییل یاخین دوغو ایله یاغلی آگرسیو سیاستینی داوام ائتدیریر. بیر طرفدن غزهده سوی قیریمینی داوام ائتدیریر، دیگر طرفدن ده لوبنان و ایراندا سوء-قصدلر حیاتا کئچیرهرک بؤیوک محاربه باشلاماسی اوچون سعی لر گؤستریر. ایران و متفیقلری ایسراییله جاواب وئرمهیه حاضیرلاشیر. گؤزلنیلدیگی کیمی گوجلو هوجوم اولارسا، بو، بولگهسل محاربهنین باشلاماسینا سبب اولا بیلر.
بنیامین نتانیاهو رهبرلیگی آلتینداکی ایسراییل غزهده سوی قیریمی و بولگهسل تخریباتلارینی داوام ائتدیریر. ایسراییل ایلک نؤوبده بیروتدا حزب اللهین قوموتانی فواد شوکورو، داها سونرا ایسه تهراندا حماس سیاسی بوروسونون باشچیسی اسماعیل هنیهنی اؤلدوردو. ایران پرزیدنتی مسود پزشکیانین آند ایچمه مراسیمینده ایشتیراک ائتمک اوچون تهرانا سفر ائدن اسماعیل هنیه انصارالمهدی محافظه بیرلیکلری طرفیندن ایستیفاده ائدیلن بسیج الزهرا بیناسیندا اؤلدورولدو. ایران منبعلرینین معلوماتینا گؤره، هوجوم قیسا منزیللی راکت ایله حیاتا کئچیریلیب.
اسماعیل هنیه فیلیسطین مقاومتینین سیاسی لیدئری، حیاتینی فیلیسطین داواسینا حصر ائتمیش مهم شخصیت ایدی. اونون اؤلومو چوخ تاسف دوغورسا دا، فیلیسطین مقاومتی طبیعی کی، یاشاماغا داوام ائدهجک. اؤلوملر و ایتکیلر مقاومتین عزمینی آرتیرماقدان باشقا هئچ نیه خیدمت ائتمهیهجک.
ایسراییلین بو آقرسیو حرکتی، شوبههسیز کی، آغ ائودکی حاکمیت بوشلوغوندان ایرهلی گلیر. بو، ایرانی و متفیقلرینی حرکته کئچملری اوچون کونجه سیخیشدیران بیر اویوندور. اگر ایران بونا لازیمی جاوابی وئره بیلمهسه، دؤولت ناموسونون زده لندیگی بیر وضعیتله اوزلشهجک. اونا گؤره ده عکس شکیلده حرکت ائدهجکلری احتیمال ائدیلیر. ایرانین یوکسک وظیفهلی مسئول لاری و حربی رسمیلری ایسراییله جدی و سرت جاواب وئریلهجگینی بیان ائدیبلر. حزب الله حرکاتینین باش کاتیبی نصراللهین سون چیخیشیندا دا اوخشار ایفادهلر وار. نصرالله چیخیشیندا بو ایفاده لره یئر وئریب: "هامی بیلیر کی، بیز ایندی یئنی مرحلهیه قدم قویدوق".
طبیعی کی، ایرانین کئچمیشی، یوکسک پرده دن تهدید لری و اوندان سونرا حقیقی آددیم آتما تردد لری اینسان لاری عجبا سوالینی دا سورماسینا سبب اولور.
لاکین بو دفعه ایران و متفیقلرینین باشقا چیخیش یولو اولدوغونو دوشونمورم. ایش او یئره چاتیب کی، ایران دؤولت ناموسونو قوروماقلا یاناشی، هدفه چئوریلمکدن آنجاق عکس-هوجوما کئچرک و میداندا گوجونو نوماییش ائتدیررک قاچا بیلر.
بؤلگهدهکی پروسه لر لازیمی حاضیرلیقلار گؤرولدوکدن سونرا، ایسراییلین هدف آلیناجاغینی گؤستریر. ایسراییل ایران، لوبنانداکی حزب الله، عراق و سوریهدهکی شیعه میلیسلر ایله یمن-دهکی حوثی لر طرفیندن عینی آندا راکت و انتحاری درونلارلا هدف آلینا بیلر.
ایسراییلین ده بؤیوک هوجوما حاضیرلاشدیغی موشاهیده اولونور. خصوصی ایله حزب اللهین مومکون راکت و ایها هوجوملارینا قارشی شیمال جبههسینده یئنی هاوا هوجوموندان مدافعه سیستملری قوراشدیریلیر و سیغیناجاقلار حاضیرلانیر. قئید ائتمه لییک کی، امریکا هم ایسراییلی مدافعه ائتمک، هم ده قارشی طرفی چکیندیرمک اوچون بؤلگهیه حربی قوهلر گؤندرمهیه داوام ائدیر.
نتانیاهونون مقصدی امریکانی بیرباشا محاربهیه جلب ائتمکدیر. لاکین بو آددیم روسیا-اوکراینا محاربهسینین تالعینی روسیانین خئیرینه دییشهجک و چین اوچون یئنی ژئوسیاسی ایمکانلار یاراداجاق. البته، قارشیمیزدا بیر چوخ فرضیهلره اساسلانان موختلیف سناریولار وار، لاکین یاشانان پروسه لر ایداره اولونان حربی عملیاتلاردان و موناقیشهلردن خاوتیک بیر نقطهیه دوغرو اینکیشاف ائدیر.
