تورکیه، موغولیستان و قازاقیستاندا گئچن هفته نهلر اولدو؟
آوراسیا جمهوریتلرینین گوندمیندهکی حادثهلر
تورکیه
۳۰ جولای ۲۰۲۴ تاریخینده تورکیه و ارمنیستانین ایکیلی علاقهلری نورماللاشدیرما مدتی خصوصی نمایندهلری سردار قیلیچ و روبن روبینیان علیجان-مارمارا سرحد قاپیسیندا گؤروشهرک بئشینجی ییغینجاقلارینی گئرچکلشدیردیلر. ارمنیستان هم تورکیه هم ده آذربایجان ایله یاخشی قونشولوق علاقهلرینی تاسیس ائتمک اوچون سون زامانلاردا ملموس آددیملار آتماغا باشلادی.
تورکیه
۳۰-۳۱ جولای ۲۰۲۴ تاریخلرینده تورکیه ائنرژی و طبیعی قایناقلار ناظیری آلپ ارسلان بایراکتار تورکمنیستانا رسمی سفر گئرچکلشدیردی. تورکمنیستان جمهورباشقانی سردار بردیمحمدوو ناظیر بایراکتاری قبول ائتدی.
تورکیه
۱ آگوست ۲۰۲۴ تاریخینده آنکارادا روسیه و غرب آراسیندا محکوم موبادیلهسی ائدیلدی. ۲۶ محکومون سربست قالماسینی تامین ائدن بو موبادیله، سویوق ساواش سونراسی گئرچکلشن ان بؤیوک موبادیله اولاراق قئیدلره گئچدی.
تورکیه
۲ آگوست ۲۰۲۴ تاریخینده اوکراین مدافعه ناظیری روستم اوماروو تورکیهیه رسمی سفر گئرچکلشدیردی. آنکارادا ناظیر اوماروو تورکیه مدافعه ناظیری یاشار گولر ایله گؤروشدو. ۳ آگوست تاریخینده تورکیه و اوکراین آراسیندا ایمضالانان سربست تیجارت آنلاشماسی تورکیه رسمی قازئتینده نشر اولوناراق قوهیه گیردی. تورکیه و اوکراینا ایللیک ۷.۳ میلیارد دلارا چاتان تیجارت حجمینی قیسا زاماندا ۱۰ میلیارد دلارا چیخارماغی هدفلهییرلر.
ایران
ایران جمهورباشقانی سئچیلهن مسعود پزشکیانین ۳۰ جولای ۲۰۲۴ تاریخینده گئرچکلشدیریلن آند مراسیمینه آوراسیا اؤلکهلریندن تاجیکیستان جمهورباشقانی، آذربایجان باش ناظیری، روسیه فدراسیونو مجلیس باشقانی، قازاقیستان سنا باشقانی، ارمنیستان و گورجوستان باش ناظیرلری، قیرقیزیستان باش ناظیر کؤمکچیسی، تورکیه و تورکمنیستان خاریجی ایشلر ناظیری سویهسینده ایشتیراک ائتدی.
موغولستان
۱ آگوست ۲۰۲۴ تاریخینده آمریکا خاریجی ایشلر ناظیری آنتونی بلینکن موغولستانا رسمی سفر گئرچکلشدیردی. ناظیر بلینکن پایتاخت اولانباتوردا موغولستان جمهورباشقانی خورلسوخ اوخناگین، باش ناظیر اویون اردهنه لووسانامسرای و خاریجی ایشلر ناظیری باتستسگ باتمونکه ایله گؤروشمهلر ائتدی.
موغولستان
سوئیس جمهورباشقانی ویولا آمهرد ۲ آگوست ۲۰۲۴ تاریخینده موغولستانا ایلک دؤولت سفرینی گئرچکلشدیردی. جمهور باشقانی ویولا آمهرد اولانباتوردا موغولستان جمهورباشقانی خورلسوخ اوخناگین، باش ناظیر اویون اردهنه لوسانامسرای و مجلیس باشقانی آماربایاسگالان داشزگوین ایله گؤروشمهلر ائتدی. بو ایل موغولستان و سوئیس ایکیلی علاقهلرین تاسیسینین ۶۰.جی ایل دؤنومونو قئید ائدیر.
قازاقیستان
۱ آگوست ۲۰۲۴ تاریخینده قازاقیستان جمهورباشقانی قاسیم جومرد توکایئو آوروپا بیرلیگی خاریجی سیاست یوکسک نمایندهسی جوزپ بورلی قبول ائتدی. قبولدا مرکزی آسیا تهلوکهسیزلیگی، قازاقیستان-آوروپا بیرلیگی علاقهلری مؤوضوعلاری اله آلیندی. آوروپا بیرلیگی خاریجی سیاست یوکسک نمایندهسی جوزپ بورل قازاقیستاندان قیرقیزیستانا گئچدی. ۳ آگوست تاریخینده قیرقیزیستان جمهورباشقانی سادیر جاپاروو بورلی قبول ائتدی.
قازاقیستان
۲ آگوست ۲۰۲۴ تاریخینده کونگو جمهوریتی جمهورباشقانی دنیس ساسوو نگسو قازاقیستانا ایلک رسمی سفرینی گئرچکلشدیردی. قازاقیستان جمهورباشقانی قاسیم جومرد توکایئو و جمهورباشقانی نگسو باش باشا و هیئتلر آراسی گؤروشمهلر ائتدی. گؤروشمهلر نتیجهسینده قازاقیستان و کونگو جمهوریتی آراسیندا ۱۰ آنلاشما ایمضالاندی.
