ایستانبولدا تورک دونیاسی دوشونجه قورولوشلاری فورومو گئرچکلشدیریلدی
۲۶ جولای ۲۰۲۴ تاریخینده ایستانبولدا تورک دونیاسی دوشونجه قورولوشلاری فورومو گئرچکلشدیریلدی
آوراسیا جمهوریتلرینین گوندمیندهکی حادثهلر
روسیا و اوکراینا آراسیندا باریش گؤروشمهلرینی باشلاتما مؤوضوعو دونیا سیاستینین گوندمیندهکی یئرینی قورویور. اوکراینا جمهورباشقانی وولودیمیر زلنسکی ۲۱ جولای ۲۰۲۴ تاریخینده روسیا ایله موذاکیره ائتمهیه حاضر اولدوغونو بیلدیردی. اوکراینا جمهورباشقانی زلنسکی ۲۰۲۲-جی ایلده روسیا فدراسیونو باشقانی ولادیمیر پوتین ایله باریش موذاکیرهلری ائتمهیی قاداغان ائدن قراری ایمضالامیشدی.
اوکراینا خاریجی ایشلر باخانی دمیتری کولبا ۲۳-۲۶ جولای ۲۰۲۴ تاریخلرینده چین خالق جمهوریتینه رسمی سفر گئرچکلشدیردی. چینلی قونومداشی وانگ یه ایله گؤروشهن باخان کولبانین گوندمینده ایکیلی ایلیشکیلرین یانیندا اوکراینا-روسیا باریش گؤروشمهلری ده وار ایدی. عینی گونلرده هیندیستان باشباخانی نارندرا مودینین روسیادان سونرا آگوست آییندا اوکراینایا سفر ائدجگینه دایر خبرلر چیخدی.
قیرقیزیستان جمهورباشقانی سادیر جاپاروو ۲۵-۲۷ جولای ۲۰۲۴ تاریخلرینده فرانسایا ایش سفری گئرچکلشدیردی. جمهورباشقانی جاپاروو پاریسده "داوام ائتدیریله بیلر قالخینما اوچون ایدمان. داها سرعتلی، داها یوکسک، داها گوجلو؛ داها یاخشی بیر گلهجک اوچون بیرلیکده" باشلیقلی فوروما و 33.جو یاز المپیک اویونلارینین آچیلیش مراسیمینده ایشتیراک ائتدی. 33.جو یاز المپیک اویونلارینین آچیلیش مراسیمینه موغولستان جمهور باشقانی اوخناگین خورئلسوکه ده قاتیلدی.
۲۵ جولای ۲۰۲۴ تاریخینده بیشکئک شهرینده تورک دؤولتلر تشکیلاتینا عضو اؤلکهلرین باش ساوچیلار ۳.جو شوراسی تشکیل ائدیلدی. ییغینجاغا آذربایجان، قازاقیستان، قیرقیزیستان، اؤزبکیستان، تورکیه و تورکمنیستان باش ساوچیلاری قاتیلدی. ییغینجاق چرچیوهسینده قیرقیزیستان و اؤزبکیستان باش ساوچیلیقلاری آراسیندا امکداشلیق آنلاشماسی ایمضالاندی. عینی گون بیشکئکده شانگهای امکداشلیق تشکیلاتینا عضو اؤلکهلرین باش ساوچیلار ۱۲.جی شوراسی دا ائدیلدی.
***
آوروپا بیرلیگی شوراسی ارمنیستان اوردوسونا ۱۰ میلیون یورو کؤمک ائتمه و ارمنیستان ایله ویزا سربستلیگی گؤروشمهلرینی باشلاما قراری آلدی.
۲۵ جولای ۲۰۲۴ تاریخینده باکی شهرینده آذربایجان جمهویتی باشباخانی علی اسدوو تورکیه جمهوریتی آنایاسا محکمهسی باشقانی کادیر اؤزکایا باشقانلیغینداکی هیئت ایله گؤروشدو. گؤروشمهده آذربایجان-تورکیه ایلیشکیلرینین یانیندا حقوق ساحهسینده تورک جمهوریتلرینین الاقدار تشکیلاتلاری آراسیندا امکداشلیغی آرتیرما مؤوضوعو دا ماسایا یاتیردیلدی.
۲۶ جولای ۲۰۲۴ تاریخینده تورکیه خاریجی ایشلر باخانی حاکان فیدان لائوسدا آسئان ۵۷.جی خاریجی ایشلر باخانلاری ییغینجاغینا قاتیلدی. باخان فیدان ییغینجاق چرچیوهسینده روسیا خاریجی ایشلر باخانی سرگئی لاوروو ایله گؤروشدو. گؤروشمهده تورکیه-روسیا، تورکیه-سوریه، ولادیمیر پوتینن اولاسی تورکیه سفری مؤوضوعلارینین گؤروشولدوگونه دایر مئدیادا خبرلر چیخدی. خاطیرلاتماق لازیمسا، تورکیه جمهورباشقانی رجب طیب اردوغانین سوریه لیدئری بشار اسدله گؤروشمه چاغریسیندان سونرا، ۲۵ جولای تاریخینده بشار اسد موسکوایا اولدن بیلدیریلمهیهن سفر گئرچکلشدیررک ولادیمیر پوتین ایله گؤروشمه گئرچکلشدیرمیشدی.
۲۶ جولای ۲۰۲۴ تاریخینده ایستانبولدا تورک دونیاسی دوشونجه قورولوشلاری فورومو گئرچکلشدیریلدی. فوروما آذربایجان، قازاقیستان، قیرقیزستان، قوزئی قیبریس تورک جمهوریتی، ماجاریستان، اؤزبکیستان و تورکیهنین قاباقدا گلن دوشونجه قورولوشلارینین نمایندهلری قاتیلدی. فورومدا تورک دونیاسینین گلهجگی موذاکیره ائدیلدی.
اینکیشافلاردان گؤرولدوگو اوزره، گئچهن هفته آوراسیا جغرافیاسیندا باریش سؤزو سیخلیقلا دیله گتیریلدی.
