تۆرک جمهوریتلرینین گوند‌مینده‌کی گلیشمه‌لر

آذربایجان جمهورباشقانی ایلهام علییئو ۲۸ ژوئن ۲۰۲۴ تاریخینده میللی مجلیسی لغو ائد‌رک ائرکه‌ن سئچیم اعلان ائتدی. آذربایجان میللی مجلیسی عمومی سئچیملری ۱ سپتامبر ۲۰۲۴ تاریخینده ائدیله‌جک

2159868
تۆرک جمهوریتلرینین گوند‌مینده‌کی گلیشمه‌لر

 

 ۲۳-۲۶ ژوئن ۲۰۲۴ تاریخلرینده موغولستان جمهورباشقانی اوخناگین خورلسوخ اؤزبکیستانا ایلک دؤولت سفرینی گئرچکلشدیردی. داشکند شهرینده ایکی اؤلکه جمهور باشقانلاری باش باشا و هیئتلر آراسی گؤروشمه‌لر ائتدی. گؤروشمه‌لر نتیجه‌سینده اؤزبکیستان و موغولستان آراسیندا ۱۴ آنلاشما ایمضالاندی. سفر چرچیوه‌سینده موغولستان داشکند ائلچیلیگینین آچیلیش مراسیمی ائدیلدی. جمهورباشقانلاری ایکی اؤلکه‌نین اؤنده گلن ایش آداملاری ایله ییغینجاق تشکیل ائتدی و داشکند‌ده اولان تئکنوپارکی گزدیلر.

 

۲۴-۲۵ ژوئن ۲۰۲۴ تاریخلرینده قیرقیزیستان جمهورباشقانی سادیر جاپاروو بلژیک کراللیغینا ایش سفری گئرچکلشدیردی. جمهورباشقانی سادیر جاپاروو بروکسلده بلژیک کرالی فیلیپه و آوروپا بیرلیگی شوراسی باشقانی شارل میشل ایله گؤروشمه‌لر ائتدی. گؤروشمه‌لر سونراسیندا قیرقیزیستان و آوروپا بیرلیگی آراسیندا گئنیشلدیلمیش اورتاقلیق و امکداشلیق آنلاشماسی ایمضالاندی.

 

قازاقیستان جمهورباشقانی قاسیم جومرد توکایئو ۲۵ ژوئن ۲۰۲۴ تاریخینده مالتا خاریجی ایشلر، تیجارت و آوروپا بیرلیگی باخانی یان بورگو قبول ائتدی. آوروپا تهلوکه‌سیزلیک و امکداشلیق تشکیلاتی دؤنم باشقانی اولان بورگ، جمهورباشقانی توکایئو ایله گؤروشمه‌سینده، قازاقیستان-آوروپا بیرلیگی، قازاقیستان-مالتا امکداشلیق مؤوضوعلارینی اله آلیندی.

 

مالتا خاریجی ایشلر، تیجارت و آوروپا بیرلیگی باخانی یان بورگ ۲۷ ژوئن ۲۰۲۴ تاریخینده بیشکئکده قیرقیزیستان جمهورباشقانی سادیر جاپاروو طرفیندن قبول ائدیلدی. گؤروشمه‌ده سرحد پروبلئملری، اولوسلارآراسی سوچلارلا مباریزه، الکترونیک تیجارت کیمی مؤوضوعلار ماسایا یاتیردیلدی.

 

قیرقیزیستان جمهورباشقانی سادیر جاپاروو ۲۸ ژوئن ۲۰۲۴ تاریخینده تۆرک دؤولتلری تشکیلاتی باش کاتیبی کوبانیچ‌بک عؤمورعلییئوی قبول ائتدی. گؤروشمه‌ده تۆرک دؤولتلری تشکیلاتینین ایشلری، آذربایجاندا ائدیله‌جک رسمی اولمایان ذیروه‌سی مؤوضوعلاری دانیشیلدی.

 

بیرلشمیش میللتلر باش کاتیبی آنتونیو گوترش ۳۰ ژوئن-۷ ژوئیه ۲۰۲۴ تاریخلرینده اورتا آسیا اؤلکه‌لرینده اولاجاق. بیرلشمیش میللتلر باش یازمانی گوترش اؤنجه اؤزبکیستانا گلدی. اؤزبکیستان جمهورباشقانی شؤوکت میرضیایئو آنتونیو گوترشی قبول ائتدی. باش کاتیب گوترش قازاقیستاندا ۴ ژوئیه تاریخینده ائدیله‌جک شانگهای امکداشلیق تشکیلاتی ذیروه‌سینه ده قاتیلاجاق.

***

۲۶-۲۷ ژوئن ۲۰۲۴ تاریخلرینده تۆرکیه جمهوریتی ساوونما باخانی یاشار گۆلر تۆرکمنیستان و اؤزبکیستانا سفر گئرچکلشدیردی. ساوونما باخانی یاشار گۆلر تۆرکمن قونومداشی بئگنچ گوندوغدویئو و اؤزبک قونومداشی باهادیر قوربانوو ایله گؤروشمه‌لر ائتدی. تۆرکمنیستان جمهورباشقانی سردار بردی‌محمدوو، اؤزبکیستان جمهورباشقانی شؤوکت میرضیایئو باخان گولری قبول ائتدی. گؤروشمه‌لرده منطقه تهلوکه‌سیزلیگی، عسگری-تکنیکی امکداشلیق مؤوضوعلاری اله آلیندی.

 

آذربایجان جمهورباشقانی ایلهام علییئو ۲۶ ژوئن ۲۰۲۴ تاریخینده ایتالیا جمهوریتی ساوونما باخانی گویدو کروسیتونو قبول ائتدی. گؤروشمه‌ده ساوونما صنایعی ساحه‌سینده ایکی اؤلکه آراسیندا گلیشمکده اولان امکداشلیق مؤوضوعلاری اله آلیندی. جمهور باشقانی علییئو ایتالیا طرفیندن یاپیلاراق آذربایجانا تحویل وئریله‌ن سی-۲۷ج اسپارتان عسگری اوچاغینی اینجه‌له‌دی.

 

آذربایجان جمهورباشقانی ایلهام علییئو ۲۸ ژوئن ۲۰۲۴ تاریخینده میللی مجلیسی لغو ائد‌رک ائرکه‌ن سئچیم اعلان ائتدی. آذربایجان میللی مجلیسی عمومی سئچیملری ۱ سپتامبر ۲۰۲۴ تاریخینده ائدیله‌جک.



ایلگیلی‌لی خبرلر