آوراسیا جمهوریتلرینین گوندمیندهکی گلیشمهلر
۲۲ نوامبر ۲۰۲۳ تاریخینده بیشکئک شهرینده تورک دؤولتلر تشکیلاتی دیاسپور ایشلریندن مسئول باخانلار و قوروم باشقانلاری ۵.جی ییغینجاغی گئرچکلشدیریلدی
۲۰ نوامبر ۲۰۲۳ تاریخینده عراق جمهورباشقانی عبداللطیف جمال رشید آذربایجانا رسمی سفر گئرچکلشدیردی. آذربایجان جمهورباشقانی ایلهام علییئو عراقلی قونومداشی ایله گؤروشدو. گؤروشمهلر سونوندا ایکی اؤلکه آراسیندا ۴ آنلاشما ایمضالاندی.
۲۱ نوامبر ۲۰۲۳ تاریخینده تاجیکیستان جمهورباشقانی امامعلی رحمان روسیا فدراسیونونا رسمی سفر گئرچکلشدیردی. کرملینده ائدیلهن ولادیمیر بپوتین-امامعلی رحمان گؤروشمهسیندن سونرا ایکی اؤلکه آراسیندا ۸ آنلاشما ایمضالاندی. باغلانان آنلاشما اساسیندا روسیا تاجیکیستانا ۸ عدد اس-۳۰۰ هاوا ساوونما سیستمی وئردی.
۲۱ نوامبر ۲۰۲۳ تاریخینده قازاقیستان جمهورباشقانی قاسیم جومرد توکایئو بیرلشمیش کراللیق دؤولت باخانی نصرت غنینی قبول ائتدی. گؤروشمهده قازاقیستان-اینگیلتره ایلیشکیلرینین سیریندن دویولان ممنونیت دیله گتیریلدی. تیجارت و اقتصاددان مسئول باخان غنی قازاقیستاندا ۵۵۰ اینگیلیس شیرکتینین فعالییت یئریتدیگینی بیلدیردی.
۲۱ نوامبر ۲۰۲۳ تاریخینده باکی شهرینده تورک دؤولتلر تشکیلاتی پارلامنتر شوراسینین قورولوشونون ۱۵.جی ایلدؤنومو سببی ایله "تورکپا: گئچمیشین تجروبهسی ، بو گونون گئرچکلری و گلهجهیه دایر گؤزلنتیلر" آدلی اولوسلارآراسی کنفرانس تشکیل ائدیلدی. کنفرانسا تورکپایا عضو اؤلکهلردن میللت وکیللری، اولوسلارآراسی قورولوشلارین باش کاتیبلری قاتیلدی.
۲۲ نوامبر ۲۰۲۳ تاریخینده باکی شهرینده ایسلام امکداشلیق تشکیلاتی چالیشما مرکزی باش قورول ییغینجاغی ائدیلدی. ییغینجاغا تشکیلاتا عضو اؤلکهلردن ۲۰ باخان قاتیلدی.
۲۳ نوامبر ۲۰۲۳ تاریخینده مینسک شهرینده کولکتیف گوونلیک آنلاشماسی هؤرگوتو ذیروهسی ائدیلدی. ذیروهیه بلاروس، قازاقیستان، قیرقیزیستان، روسیا فدراسیونو و تاجیکیستان دؤولت باشقانلاری قاتیلدی. دار و گئنیشلهدیلمیش فورمتده گئرچکلشدیریلن ییغینجاقلار سونوندا ۱۵ آنلاشما ایمضالاندی. ییغینجاقدا ایمضالانان ان اؤنملی آنلاشما اولاراق هؤرگوتون بحرانلارا سرعتلی موداخیله ائتمهسینی اؤن گؤرن آنلاشما گؤستریلهبیلر. ییغینجاغا گئتمهیهن ارمنیستان باشباخانی نیکول پاشینیان، عینی گون روسیایا سلاح آلیشی اوچون پول اؤددیکلرینی اما سؤزو گئدن سلاحی آلابیلمهدیکلرینی آچیقلادی.
۲۴ نوامبر ۲۰۲۳ تاریخینده باکیدا بیرلشمیش میللتلرین اورتا آسیا اکونومیلری اؤزل پروگرامی (SPECA) ذیروهسی گئرچکلشدیریلدی. ذیروهیه آذربایجان، قازاقیستان، قیرقیزیستان و تاجیکیستان جمهورباشقانلاری، گورجوستان و ماجاریستان باشباخانی، بیرلشمیش میللتلر باشدا اولماق اوزره اولوسلارآراسی قورولوشلارین نمایندهلری قاتیلدی. ییغینجاق چرچیوهسینده ایکیلی گؤروشمهلر ده ائدیلدی. ذیروه چرچیوهسینده باکیدا اؤزل پروگراما داخیل اؤلکهلرین سرگیسی تشکیل ائدیلدی. بیرلشمیش میللتلرین اورتا آسیا اقتصادلاری اؤزل پروگرامی ۱۹۹۸.جی ایلده قورولموشدو.
***
۲۲ نوامبر ۲۰۲۳ تاریخینده بیشکئک شهرینده تورک دؤولتلر تشکیلاتی دیاسپور ایشلریندن مسئول باخانلار و قوروم باشقانلاری ۵.جی ییغینجاغی گئرچکلشدیریلدی. ییغینجاغا قازاقیستان، قیرقیزیستان، ماجاریستان، اؤزبکیستان و تورکیهدن کؤچ و دیاسپور ایشلریندن مسئول باخانلار و مسئوللار قاتیلدی.
۲۵ نوامبر ۲۰۲۳ تاریخینده داشکند شهرینده تورک دؤولتلر تشکیلاتی دیانت ایشلری و دینی ایداره باشقانلاری ۴.جو ییغینجاغی ائدیلدی. ییغینجاغا تشکیلاتا عضو اؤلکهلرین دیانت ایشلری باشقانلاری و باشقان کؤمکچیلری قاتیلدی. ییغینجاق سونوندا تورکیه و اؤزبکیستان دیانت باشقانلیقلاری آراسیندا امکداشلیق آنلاشما متنی ایمضالاندی.
ایلگیلیلی خبرلر
تۆرک جمهوریتلرینین گوندمیندهکی گلیشمهلر
حاضردا دونیانین ۱۵ اؤلکهسینده ۲۹ آذربایجان ائوی خیدمت ائتمکدهدیر