تورک جمهوریتلرینین گوندمیندهکی گلیشمهلر
تورکمنیستان جمهورباشقانی سردار بردیمحمدوو ۲۵-۲۶ اکتبر ۲۰۲۳ تاریخلرینده تورکیهیه ایلک رسمی سفرینی گئرچکلشدیردی
۲۳ اکتبر ۲۰۲۳ تاریخینده قازاقیستاندا دونیا ایلکیاردیم خیدمتی کونفرانسی ائدیلدی. کنفرانسا قازاقیستان جمهورباشقانی قاسیم جومرد توکایئو قاتیلدی. آیریجا جمهورباشقانی توکایئو دونیا ساغلیق هؤرگوتو باش مودورو تدروس آدهانوم گبریسوسو قبول ائتدی.
جو.۲۳ اکتبر ۲۰۲۳ تاریخینده لوکزمبورگدا ۱۹.جو مرکزی آسیا-آوروپا بیرلیگی خاریجی ایشلر باخانلاری ییغینجاغی گئرچکلشدیریلدی. ییغینجاغا قازاقیستان، قیرقیزیستان، اؤزبکیستان، تاجیکیستان و تورکمنیستان خاریجی ایشلر باخانلاری آوروپا بیرلیگی اوستدوزئی ایدارهچیلری قاتیلدی. ییغینجاقدا اورتا آسیا-آوروپا بیرلیگی امکداشلیغینین درینلشدیریلمهسینین یول خریطهسی اونایلاندی و روسیایا قارشی تحریملرین تطبیق اولونماسی قونوسوندا چابالارین داوام ائتدیریلهجگی تائید ائدیلدی.
۲۳ اکتبر ۲۰۲۳ تاریخینده اؤزبکیستان جمهورباشقانی شؤوکت میرضیایئو آمریکا اولوسلارآراسی قالخینما آژانسی باشقانی سامانتا جین پاویری قبول ائتدی. ۲۴ اکتبر تاریخینده سمرقندده اورتا آسیا-آمریکا اقتصاد و تیجارت باخانلارینین ایلک ییغینجاغی گئرچکلشدیریلدی. ییغینجاقدا بؤلگهسل قایناشما، بؤلگه اؤلکهلرینین آمریکا اولوسلارآراسی قالخینما آژانسی ایله امکداشلیغینین وئریملیلیگینین آرتیریلماسی قونولاری اله آلیندی. ییغینجاق سونوندا آمریکا اولوسلارآراسی قالخینما آژانسی و بؤلگه اؤلکهلری آراسیندا گؤمروک ایشلرینین دیجیتاللاشدیریلماسی و بؤلگهنین کربندان تمیزلنیلمهسی قونولاریندا آنلاشما متنی ایمضالاندی.
۲۶ اکتبر ۲۰۲۳ تاریخینده بیشکئک شهرینده شانگهای امکداشلیق هؤرگوتو ۲۲.جی حکومت باشقانلاری ییغینجاغی گئرچکلشدیریلدی. ییغینجاغا هؤرگوته عضو و گؤزلمچی اؤلکهلرین حکومت باشقانلاری قاتیلدی. ییغینجاق سونوندا بعضی آنلاشمالار ایمضالاندی. قیرقیزیستان جمهورباشقانی سادیر جاپاروو ییغینجاغا قاتیلان حکومت باشقانلارینی قبول ائتدی.
عینی گون بیشکئکده موستقیل دؤولتلر توپلولوغو حکومت باشقانلاری ییغینجاغی ائدیلدی. ییغینجاغا هؤرگوته عضو اؤلکهلرین حکومت باشقانلاری قاتیلدی. ییغینجاق سونوندا ۱۲ سند ایمضالاندی.
۲۶ اکتبر ۲۰۲۳ تاریخینده تاشکندده اؤزبکیستان-قازاقیستان پارلمانلارآراسی شوراسینین ایلک ییغینجاغی گئرچکلشدیریلدی. اؤزبکیستان جمهورباشقانی شؤوکت میرضیایئو قازاقیستان مجلیس باشقانی یئرلان کوشانووو قبول ائتدی.
تورکمنیستان جمهورباشقانی سردار بردیمحمدوو ۲۵-۲۶ اکتبر ۲۰۲۳ تاریخلرینده تورکیهیه ایلک رسمی سفرینی گئرچکلشدیردی. جمهورباشقانی بردیمحمدوو آنکارادا جمهورباشقانی رجب طیب اردوغان ایله گؤروشدو. گؤروشمه سونوندا ایکی اؤلکه آراسیندا ۱۳ آنلاشما ایمضالاندی. جمهورباشقانی بردیمحمدوو تورکیه-تورکمنیستان ایش فورومونون آچیلیشینا دا قاتیلدی.
***
۲۳ اکتبر ۲۰۲۳ تاریخینده تهراندا روسیا، تورکیه، آذربایجان، ایران و ارمنیستان خاریجی ایشلر باخانلارینین ۳+۳ فورمتیندهکی ییغینجاغی گئرچکلشدیریلدی. ییغینجاقدا گونئی قافقازین یانیندا اورتا دوغوداکی سون گلیشمهلر ده اله آلیندی. گورجوستان بو ییغینجاقلارا هلهلیک قاتیلمادی. ۳+۳ فورماتینداکی بیر سونراکی خاریجی ایشلر باخانلاری ییغینجاغی تورکییهده ائدیلهجک.
۲۴ اکتبر ۲۰۲۳ تاریخینده آذربایجان جمهورباشقانی ایلهام علییئو تورکیه جمهوریتی ساوونما باخانی یاشار گولری قبول ائتدی. ساوونما باخانی گولر "مصطفی کمال آتاتورک-۲۰۲۳" اورتاق عسگری مانورونو ایزلهمک اوچون آذربایجانا گئتمیشدی.
۲۵-۲۶ اکتبر ۲۰۲۳ تاریخلرینده آذربایجان میللی مجلیسی باشقانی صاحبه غافارووا تورکیهیه رسمی سفر گئرچکلشدیردی. صاحبه غافارووا تورکیه بؤیوک میللت مجلیسی باشقانی نعمان قورتولموش ایله گؤروشدو.
۲۶ اکتبر ۲۰۲۳ تاریخینده تیفلیسده اولوسلارآراسی ایپک یولو فورومو گئرچکلشدیریلدی. فوروما آذربایجان و ارمنیستان باشباخانلاری قاتیلدی.
ایلگیلیلی خبرلر
تورک جمهوریتلرینده کئچن هفته
تورک جمهوریتلری آراسینداکی امکداشلیغی گوجلندیرهن فعالیتلر سرعت کسمهدن داوام ائدی
