تورک جمهوریتلرینین گوندمیندهکی اولایلار
آذربایجانین قاراباغ‌دا تشکیل ائتدیگی آنتی‌ترور عملیاتی بؤلگه‌ده باریشین قالیجی اولماسینا خیدمت ائد‌جک
گئچه‌ن هفته دونیا سیاستینین اوره‌گی نیویورک‌دا آتدی. تورک جمهوریتلری لیدئرلری بیرلشمیش میللتلر ۷۸.جی باش قورولونا قاتیلماق و چوخ ساییدا ایکیلی گؤروشمه‌لر ائتمک اوچون آمزیکایا گئتدیلر. قازاقیستان جمهورباشقانی قاسیم جومرد توکایئو، قیرقیزیستان جمهورباشقانی سادیر جاپاروو، اؤزبکیستان جمهورباشقانی شؤوکت میرضیایئو، تورکیه جمهورباشقانی رجب طیب اردوغان و تورکمنیستان جمهورباشقانی سردار بردی‌محمدوو بیرلشمیش میللتلر باش قورولونا خطاب ائتدیلر. جمهورباشقانی قاسیم جومرد توکایئو بورادا ائتدیگی دانیشماسیندا بیرلشمیش میللتلر گوونلیک شوراسیندا اصلاحات ائدیلمه‌سی لازیم اولدوغونو بیلدیردی.
تورک جمهوریتلری لیدئرلرینین آمریکا‌داکی گوند‌مینده اقتصاد اؤن پلاندا ایدی. جمهورباشقانلاری اولوسلارآراسی شیرکتلرین، اولوسلارآراسی بانکلارین و اولوسلارآراسی تشکیلاتلارین نماینده‌لری ایله گؤروشمه‌لر ائتدیلر. جمهورباشقانی میرضیایئو ایله ائدیله‌ن گؤروشمه‌دن سونرا آمریکانین ایر پرودوکتس شیرکتینین اؤزبکیستانا ۱۰ میلیارد دلار سرمایه قویاجاغی آچیقلاندی. بعضی جمهورباشقانلاری آمریکا شیرکتلرینی یئرینده آراشدیردیلار.
۲۱ سپتامبر ۲۰۲۳ تاریخینده نیویورک‌دا اورتا آسیا-آمریکا دؤولت باشقانلاری بیرینجی ذیروه‌سی گئرچکلشدیریلدی. ذیروه‌یه آمریکا، قازاقیستان، قیرقیزیستان، اؤزبکیستان، تاجیکیستان و تورکمنیستان دؤولت باشقانلاری قاتیلدیلار. ذیروه‌ده اورتا آسیا جمهوریتلرینی ماراقلاندیران مؤوضوعلار موذاکیره ائدیلدی. اورتا آسیا جمهوریتلرینین دونیانین اؤنده گلن اؤلکه‌لری ایله اولوشدوردوغو ج۵+۱ فورمتینده‌کی گؤروشمه‌لری آرتیق دؤولت باشقانلاری ذیروه‌لری سویه‌سینده ائدیلمه‌یه باشلاندی. اورتا آسیا جمهورباشقانلاری ۲۹ سپتامبر ۲۰۲۳ تاریخینده بئرلین‌ده اورتا آسیا- آلمانیا ذیروه‌سینه قاتیلاجاقلار.
عینی گون نیویورک‌داکی تورک ائوینده تورک دؤولتلر تشکیلاتینا عضو و گؤزلمچی اؤلکه‌لرین خاریجی ایشلر باخانلاری ییغینجاغی ائدیلدی. ییغینجاقدا نوامبر آییندا قازاقیستاندا ائدیله‌جک تورک دؤولتلر تشکیلاتی ذیروه‌سینه حاضرلیقلار اله آلیندی.
۱۹ سپتامبر ۲۰۲۳ تاریخینده سئولدا ۱.جی اورتا آسیا- گونئی کوره مجلیس باشقانلاری ییغینجاغی گئرچکلشدیریلدی. ییغینجاغا سؤزو گئدن اؤلکه‌لرین مجلیس باشقانلاری قاتیلدیلار. ییغینجاق سونوندا اورتاق بیلدیری قبول ائدیلدی. مجلیس باشقانلارینین ایکینجی ییغینجاغی ۲۰۲۴.جو ایلده تورکمنیستان‌دا ائدیله‌جک. بو آرادا، گونئی کره جمهورباشقانی یون سوک یول نیویورک‌دا اورتا آسیا جمهوریتلری جمهورباشقانلارینین هامیسی ایله ایکیلی گؤروشمه گئرچکلشدیردی.
۲۱ سپتامبر ۲۰۲۳ تاریخینده بیشکئک‌ده ۱.جی تورکلرین اولوسلارآراسی دیل فورومو تشکیل ائدیلدی. فوروما تورکسوی، اولوسلارآراسی تورک آکادمیسی، اولوسلارآراسی تورک مدنیت و میراث وقفی باش یازمانلاری، تورک جمهوریتلریندن نماینده‌لر قاتیلدیلار. خاطیرلاتماق لازیم ایسه، قیرقیزیستان‌دا ۲۳ سپتامبر "قیرقیز دیلی گونو" اولاراق قوتلانیر.
***
قاراباغ‌دا گرگینلیگین آرتماسی ندنی ایله آذربایجان جمهورباشقانی ایلهام علییئو نیویورکا گئتمه‌دی. آذربایجانین ۱۹ سپتامبر ۲۰۲۳ تاریخینده قاراباغ‌دا باشلاتدیغی آنتی‌ترور عملیاتی نتیجه‌سینده قاراباغ‌داکی سلاحلی عنصورلار سلاحلارینی بوراخدیلار. قاراباغ‌داکی ارمنیلرین قایناشماسی قونوسوندا یئولاخ‌دا نماینده‌لر ایله گؤروشمه‌لر باشلادی. آوروپا بیرلیگینین آذربایجان قارشیدی بیلدیریسی ماجاریستان طرفین‌دن وتو ائدیلدی.
گلیشمه‌لردن گؤرولدوگو اوزره، تورک جمهوریتلری لیدئرلری باخیمیندان گئچه‌ن هفته چوخ دولو گئچدی. آذربایجانین قاراباغ‌دا تشکیل ائتدیگی آنتی‌ترور عملیاتی بؤلگه‌ده باریشین قالیجی اولماسینا خیدمت ائد‌جک.
