آوراسیا جمهوریتلرینین گوندمیندهکی اولایلار
قاراباغ‌دا ائدیله‌ن سؤزده جمهورباشقانی سئچیمی آوراسیا اؤلکه‌لری طرفیندن قیناندی و سؤز قونوسو اؤلکه‌لر آذربایجانین تورپاق بوتونلوگونو دستکله‌دیکلرینی آچیقلادیلار
۱۱ سپتامبر ۲۰۲۳ تاریخینده قازاقیستان جمهورباشقانی قاسیم جؤمرت توکایئو تورکیه جمهوریتی خاریجی ایشلر باخانی حاکان فیدانی قبول ائتدی. گؤروشمه‌ده قازاقیستان-تورکیه ایلیشکیلری، تورک دؤولتلر تشکیلاتی ذیروه‌سی حاضرلیقلاری اله آلیندی.
۱۱-۱۴ سپتامبر ۲۰۲۳ تاریخلرینده آذربایجان میللی مجلیسی باشقانی صاحبه غافارووا بولقاریستان و ماجاریستانا سفر گئرچکلشدیردی. بولقاریستان جمهورباشقانی رومالی راده، ماجاریستان جمهورباشقانی کاتالینا نوواک ایله گؤروشه‌ن صاحبه غافارووا، ۵.جی بوداپست دموگرافی ذیروه‌سینه قاتیلدی.
۱۱ سپتامبر ۲۰۲۳ تاریخینده موغولستان مجلیس باشقانی گومبوژاو زاندانشاتار گونئی کره‌یه سفر گئرچکلشدیردی. گونئی کره‌لی پارلامنترلر ایله گؤروشه‌ن مجلیس باشقانی زاندانشاتار، اولوسلارآراسی داوام ائتدیریله‌بیلیر قالخینمایا دایر ترانس-پاسیفیک دیالوگو کنفرانسینا قاتیلدی.
۱۲-۱۷ سپتامبر ۲۰۲۳ تاریخلرینده قوزئی کره لیدئری کیم جونگ اون روسیایا سفر گئرچکلشدیردی. ۱۳ سپتامبر تاریخینده کیم جونگ اون روسیا دؤولت باشقانی ولادیمیر پوتین ایله گؤروشدو. گؤروشمه‌دن سونرا کیم جونگ اونون قوزئی کره‌یه دعوتینی ولادیمیر پوتینین ممنونیتله قبول ائتدیگی ایفاده ائدیلدی.
۱۴ سپتامبر ۲۰۲۳ تاریخینده دوشنبه‌ده ۵.جی اورتا آسیا اؤلکه‌لری دؤولت باشقانلاری موشاویره ییغینجاغی ائدیلدی. ییغینجاغا قازاقیستان، قیرقیزیستان، اؤزبکیستان، تاجیکیستان، تورکمنیستان و آذربایجان جمهورباشقانلاری ایشتیراک ائتدی. آذربایجان جمهورباشقانی ایلهام علییئو، تورکمنیستان خالق مصلحتی باشقانی قوربانقولو بردی‌محمدوو اونور قوناغی عنوانی ایله ییغینجاغا قاتیلدیلار. قوربانقولو بردی‌محمدووا اونور نیشانی تقدیم ائدیلدی. ییغینجاق سونوندا ۳ آنلاشما ایمضالاندی. جمهورباشقانلاری عینی گون اکسپو اورتا آسیا-۲۰۲۳ سرگیسینی گزدیلر. سفر چرچیوه‌سینده ایکیلی گؤروشمه‌لر ده ائدیلدی.
۱۴ سپتامبر ۲۰۲۳ تاریخینده چین خالق جمهوریتینین کابل ائلچیسی ژاو شنگ طالبان حکومتینین باشباخان وکیلی محمد حسن آخوندا گووه‌ن مکتوبو کوپیسینی وئردی. بئله‌جه چین دونیادا طالبان رهبرلیگینی رسمی اولاراق تانییان ایلک دؤولت اولدو.
۱۵ سپتامبر ۲۰۲۳ تاریخینده دشنبه‌ده اولوسلارآراسی آرالی قورتارما صاندیغی قوروجولارینین ییغینجاغی ائدیلدی. ییغینجاغا قازاقیستان، اؤزبکیستان، تاجیکیستان و تورکمنیستان جمهورباشقانلاری، قیرقیزیستان باشباخان کؤمکچیسی قاتیلدی. ییغینجاق سونوندا ۴ آنلاشما ایمضالاندی.
سوچی‌ده ۱۵ سپتامبر ۲۰۲۳ تاریخینده روسیا دؤولت باشقانی ولادیمیر پوتین بلاروس جمهورباشقانی آلکساندر لوکاشئنکو ایله گؤروشدو.
***
۹ سپتامبر ۲۰۲۳ تاریخینده قاراباغ‌دا ائدیله‌ن سؤزده جمهورباشقانی سئچیمی آوراسیا اؤلکه‌لری طرفیندن قیناندی و سؤز قونوسو اؤلکه‌لر آذربایجانین تورپاق بوتونلوگونو دستکله‌دیکلرینی آچیقلادیلار.
۱۱ سپتامبر ۲۰۲۳ تاریخینده ارمنیستان باشباخانی نیکول پاشینیان تورکیه جمهورباشقانی رجب طیب اردوغان ایله تلفندا دانیشدی. جمهورباشقانی اردوغان پاشینیانا دؤردلو ذیروه (پوتین، اردوغان، علییئو و پاشینیان) تکلیف ائتدیگینی آچیقلادی. باشباخان پاشینیان پولیتیکویا وئردیگی مصاحبه‌ده، اوکرایناداکی ساواش سببی ایله ارمنیستانین آرتیق گوونلیک ضامنی اولاراق روسیایا گووه‌نه‌بیلمه‌یه‌جگینی بیلدیردی. ارمنیستانین کولکتیو گوونلیک آنلاشما تشکیلاتی عسگری مانورلارینا قاتیلماماسی و آمریکا ایله اورتاق عسگری مانور تشکیل ائتمه‌سی "روسیا ارمنیستاندا چئوریلیش ائد‌جک" ایفاده‌لرینی اؤزو ایله گتیردی.
گلیشمه‌لردن گؤرولدوگو اوزره، گئچه‌ن هفته آوراسیا جغرافیاسیندا بؤلگه‌سل قایناشمانی گوجله‌ندیره‌جک اؤنملی سفر و ییغینجاقلار ائدیلدی. قاراباغ ایله ایلیشکیلی گونئی قافقازداکی پروبلئمین گوندمده‌کی یئرینی قورویور.
